बुद्ध नेपालमा जन्मिएको भन्दै भोली १ बजे टोक्यो, सिवुया मियासिता पार्कमा शान्ति र्याली हुँदै

Posted on: May 02, 2016 | views: 304

२७ चैत, टोकियो ।
भारतले भगवान गौतम बुद्ध जन्मस्थलबारे गलत प्रचार गरेपछि बुद्ध जन्मस्थल नेपाल हो भन्ने चिनाउन आयोजित शान्ति र्यालीको तयारी पुरा भएको छ ।

केही जापानी नागरिकमा अझैपनि बुद्ध जन्मस्थलबारे भ्रम रहेकाले त्यसलाई चिर्न र नेपालको पर्यटनमा सहयोग र नेपालको परिचय चिनाउन शान्ति र्यालीको आयोजना गरिएको आयोजक संस्था नेपाल जापान युथ क्लवका अध्यक्ष तथा एनआरएन जापानका उपाध्याक्ष टासि लामाले जानकारी दिनुभयो ।

बुद्ध नेपालमा जन्मेका हुन् भन्ने मुख्य सन्देश फैलाउने उदेश्य सहित भोली अर्थात् अप्रिल १० तारिख अपरान्ह १ बजे राजधानी टोक्योमा बृहत शान्ति र्याली निकालिंदै छ । शान्ति र्यालीमा दुई दर्जन बढी संघ संस्था सहित जापानमा रहेका हजारौं नेपाली र सयौं जापानीहरुले सहभागीता जनाउने भएका छन् ।


बुद्ध नेपालमा जन्मेको चिनाउने मात्र नभई नेपालको कला र संस्कृतिबारे समेत चिनाउने यो महत्वपूर्ण अवसरमा सबैलाई सहभागी हुन आग्रह गर्छु । लामाले भन्नुभयो जापानमा रहनुभएका सबैमा संभव भएसम्म नेपाली झण्डा, मौलिक पहिरन सहित उपस्थित भइदिनुहुन अनुरोध गर्दछु ।

आयोजक मध्येको अर्को संस्था विइ फर अलका अध्यक्ष सरोज कुमार खत्रीका अनुसार टोकियो सिवुया स्थित मियासिता पार्कबाट भोली आइतबार अपरान्ह १ बजे शान्ति र्याली सुरुहुनेछ । त्यसपछि सिवुया शहर परिक्रमा पछि सोही पार्कमा आएर कोणसभाका परिणत भइ शान्ति र्याली समापन हुने छ ।

विगत तीन बर्षदेखी गरिंदै आएको शान्ति र्याली मार्फत भारतले भगवान गौतमबुद्ध भारतमा जन्मिएको भनेर गर्दै आएको कुप्रचार र भारतमा बनिरहेको नक्कली लुम्बिनि तथा गौतमबुद्ध संग्रहालय जस्ता झुटको जापानीमाझ पर्दाफास हुने ठानिएको छ ।

सहभागीहरुले स्वस्फुर्त रुपमा नेपालबारे सकारात्मक सन्देश दिने प्लेकार्ड, व्यानर वा नेपाल जापान सम्वन्ध झल्काउने तथा भगवान गौतमबुद्ध नेपालमा जन्मिएका हुन् भन्ने खालका कलाका प्लेकार्ड पनि ल्याउन सक्ने आयोजकले जनाएको छ ।

टोकियोमा नेपाल चिनाउने बृहत शान्ति र्याली अप्रिल १० मा