जापान ड्रिम्स पर्खाइ सकियो, टोकियो नाकानो जेरो हलमा १० तारिखमा पदर्शन

Posted on: May 02, 2016 | views: 446

२६ चैत, टोकियो ।
एक मात्र शो प्रदर्शन गर्न लागिएको बहुप्रतिक्षित नेपाली चलचित्र ड्रिम्स हेर्न चाहने जापानवासी नेपालीको पर्खाइ सकिएको छ ।

चलचित्र ड्रिम्स प्रदर्शन हुन दुई दिन बाँकी रहेको छ भने चलचित्रको अधिकाशं टिकट विक्रि भएको व्यवस्थापनले जानकारी दिएको छ ।

'टिकट विक्रिको लागि तोकिएका ठाउँबाट अर्धकट्टी आउनेक्रम जारी छ' जापानमा चलचित्र विक्रिको एकाअधिकार पाउनुभएका सफल व्यवसायी प्रल्हादसिंह महतले भन्नुभयो-'बाँकी भएका टिकट बुकिगंको लागि फोन भएको खवर आएको छ अब १० तारिख आइतबार साँझ ५ बजे ड्रिम्स प्रदर्शन हुन मात्र बाँकी रहेको छ ।'

राजधानी टोक्योमा रहेको नाकानो जेरो हलमा यहि अप्रिल १० तारिख अर्थात् पर्सी आइतबार साँझ ५ बजे प्रदर्शन हुने चलचित्रको टिकटको मूल्य मात्र ३ हजार राखिएको छ ।

नेपालमा सुपरहिट बनेको चलचित्र ड्रिम्स यो बर्ष नेपालमा सबैभन्दा बढी व्यापार गर्ने चलचित्र बनेको छ ।

प्रवासमा समेत अष्टेलिया लगायत देशमा भव्य प्रदर्शन भइरहेको चलचित्र ड्रिम्स हेर्न आइतबार जापानमा रहेका नेपालीहरुको भिड लाग्ने देखिएको छ ।

चलचित्र व्यवस्थापन हेरिरहनुभएका व्यवसायी प्रल्हादसिंह महतले जापानमा रहनुभएका सबै नेपालीमा नेपाली नयाँ बर्ष २०७३ को शुभकामना दिनुहुँदै चलचित्र हेर्न आउन अनुरोध सहित समयमै चलचित्र प्रदर्शन हुने भन्दै सोही अनुसार उपस्थित भइदिनुहुन अनुरोध गर्नुभएको छ ।

यो पनि पढ्नुहोस् ।

जापान १० तारिख -अपरान्ह शान्ति पदयात्रा, साँझ लामो पर्खाइपछिको 'ड्रिम्स'

टोकियोमा नेपाल चिनाउने बृहत शान्ति र्याली अप्रिल १० मा

जापानमा ड्रिम्स प्रदर्शनको महिना दिन अघि नै बुक !

नेपालमा ड्रिम्स चम्कंदा जापानमा पर्खाइ बढ्यो