घुम्टे नौमती बाजा समुह भूकम्प पीडितलाई सहयोग जुटाउन सांस्कृतिक साँझ गर्दै

Posted on: May 02, 2016 | views: 228

मदन पाठक-२५ चैत, टोकियो ।
बैशाख १२ गतेको विनाशकारी भूकम्पको केन्द्र रहेको गोरखा बारपाकका भूकम्प पिडितलाई सहयोग जुटाउन भन्दै घुम्टे नौमती बाजा समूहले जापानमा सांगीतिक कार्यक्रम गर्ने भएको छ ।

लाईभ सांगीतिक रमझम साँझ नाम दिइएको कार्यक्रम नेपाली नयाँ बर्षको अवसर पारेर यही अप्रिल २४ तारिखमा गर्ने भएको हो ।

नेपाली कलाकारहरु कालीका रोका, सबिना गुरुङ, मदन थापा सहित जापानका नेपाली कलाकार र घुम्टे नौमती बाजा समुहको विशेष सांगीतिक प्रस्तुती रहने कार्यक्रमबाट उठेको रकम भूकम्प पीडितलाई सहयोग गर्ने बताइएपनि विस्तृत विवरण सार्वजनिक गरिएको छैन ।

आयोजकले कार्यक्रममा उपस्थित भई नेपाली लोक संस्कृतिको रक्षा तथा नेपाली नयाँ बर्ष शूभकामना तथा मनोरन्जन सहित भूकम्प पीडितलाई सहयोग गर्न आग्रह गरेको छ ।

यस्तो छ कार्यक्रमको कार्यतालिका
मिति :२०१६ अप्रिल २४, आईतवार
समय : बेलुका ५ बजेदेखि ९:३० बजे सम्म
स्थान : टोसिमा कुमिन सेन्टर हल (Toshima kumin center hall)
ठेगाना : टोकियो, टोसिमा- कु हिगासी (Tokyo-to,Toshima-Ku Higasi Ikebukuro 1-20-10)
समपर्क नम्बर : 080-4674-3670, 090 5015 4384