जापान चिवामा छुरा हानेर एकको हत्या

Posted on: May 02, 2016 | views: 430

२४ चैत, टोकियो ।
छुरा प्रहार गरेर जापानको चिवामा एक महिलाको हत्या भएको छ । जापानी प्रहरीका अनुसार ४१ वर्षीय जापानी महिलाको छुरा प्रहार गरि हत्या भएको हो ।

सोमबार राती आफ्नै कोठामा मृत भेटिएकी महिलाको नाम रिना कायानो रहेको र १० बजेतिर उनका बाबुले नै उनलाई अपार्टमेन्टमा मृत भेटेको चिवा प्रहरीले बताएको छ ।

पेट, गर्दनलगायतका स्थानमा छुरा प्रहार गरी हत्या गरेको अवस्थामा भेटिएको थियो ।

७ वर्षका लागि सो अपार्टमेन्ट भाडामा लिएकी ति महिलाको व्यवहारमा कुनै त्यस्तो आत्महत्याको कारण नदेखिएको तथा काम गर्ने कम्पनीमा सो दिन उनले विदा वा नआउने केही नभनेको भन्दै घटनाको प्रकृति अनुसार हत्या नै भएको प्रहरीले बताएको छ ।

पैसा र मूल्यवान सामानहरु चोरी नभएको भन्दै प्रहरीले कुनै बदला भाव वा रिसइविका कारण नै उनको हत्या भएको आशंका गर्दै छानविन अघि बढाएको जानकारी दिएको छ ।