1. मुख्य पृष्ठ
2. जापान

जापानी राजकुमारी र प्रधानमन्त्री पत्नीद्धारा नेपाली सामान खरिद (फोटो फिचर)

मदन पाठक-२४ चैत, टोकियो ।
जापानकी शाही राजकुमारी र प्रधानमन्त्री पत्नीले यहाँ आयोजित एक प्रदर्शनीमा नेपाली स्टलको अवलोकन सहित नेपाली सामान खरिद गरेका छन् ।

४० औं एसिया प्यासेफिक फेस्टिभल र च्यारिटि बजार २०१६ नेपाली राजदूतावास जापानको पहलमा राखिएको स्टलमा जापानी शाही राजकुमारी हिताचीले रुची पूर्व अवलोकन गरेकी हुन् ।

सो अवसरमा राजकुमारी हिताचीले नेपाली सामानहरुबारे जानकारी लिंदै केही सामान समेत खरिद गरेकी थिइन् ।

नेपाल सहित २६ मुलुकको सहभागीता रहेको प्रदर्शनीमा नेपाली सामानहरुले दर्शकहरुलाई निकै आकर्षण गरेको देखिन्थ्यो ।

सोही कार्यक्रममा जापानी प्रधानमन्त्री सिन्जो आवे पत्नी अकि आवेको समेत उपस्थिति रहेको थियो ।

प्रधानमन्त्री पत्नी आवेले पनि नेपाली स्टलको अवलोकन सहित रुची पूर्वक जानकारी लिएकी थिइन् । साथै उनले पनि नेपाली सामानहरु खरिद गरेकी छिन् ।

विभिन्न क्षेत्रका प्रतिष्ठित व्यक्ति सहित हजारौं जापानीहरुको सहभागीता रहेको कार्यक्रममा कार्यवाहक नेपाली राजदूत गहेन्द्रराज राजभण्डारीको पनि उपस्थिति रहेको थियो ।

सो क्रममा राजदूत भण्डारीले शाही राजकुमारी तथा प्रधानमन्त्री पत्नि सहित विभिन्न विशिष्ट व्यक्तिहरुलाई स्टलमा राखिएका सामान सहित नेपालबारे विभिन्न जानकारी गराउनुभएको थियो ।

सो कार्यक्रममा स्विकृती भण्डारीले मिस नेपालको भूमिका निभाएकी थिइन् ।

यस्ता कार्यक्रमले नेपाली खाना एव. नेपाली उत्पादनहरुको प्रबद्र्धन गर्न उपयुक्त एवं महत्वपूर्ण अवसर प्रदान गर्ने कार्यबाहक नेपाली राजदूत गहेन्द्रराज राजभण्डारीको भनाई छ ।

प्रदर्शनीमा नेपालका हस्तकलाका सामान तथा खाना लगायत विभिन्न नेपाली उत्पादनहरु राखिएको थियो ।

सम्बन्धित सामग्री:

विद्यार्थी भिषामा जापान आउँदा दुतावासमा यस्ता प्रश्न सोधिन सक्छ

Read More »

जापानमा ९ जनाको हत्या गर्नेलाई मनोबैज्ञानिक उपचार गर्न अदालतको आदेश

Read More »

जापानमा लगातार शक्तिशालि ज्वालामुखी विस्फोट

Read More »