1. मुख्य पृष्ठ
2. जापान

जापानमा ९ जनाको हत्या गर्नेलाई मनोबैज्ञानिक उपचार गर्न अदालतको आदेश

Posted on: April 03, 2018 | views: 2383

---

टोकियो ।

जापानको इतिहाँसमै एक क्रुर घटनाको रुपमा व्याख्या गरिएको ९ जनालाई आफ्नो कोठामा विभत्सढंगले हत्या गरेका एक युवालाई यहाँको अदालतले मनोवैज्ञानिक उपचार गर्न अनुमति दिएको छ ।

गत वर्ष टोकियोस्थित आफ्नै अपार्टमेन्टमा नौ जनाको विभिन्न समयमा टुक्रा टुक्रा पारेर हत्या गरेको स्विकार गरेका २७ बर्षीय ताकाहिरो सिराइसीलाई मनोवेज्ञानिक उपचार गनुपर्ने अधिवक्ताहरुको अपिललाई सोमबार यहाँको एक अदालतले अनुमति प्रदान गरेको हो ।

टोकियो जिल्ला सार्वजनिक अधिवक्ताको कार्यालयको ताकिकावा शाखाले परिक्षणको अवधि नखुलाई ९ जनाको हत्या अभियोग स्विकारेका ताकाहिरोको मानसिक अवस्थाको परिक्षणका लागि पाँच महिना लाग्नसक्ने भन्दै अनुमति दिएका छन् ।

अग्टोबर ३१ तारिखमा कोठामा नौ जनाको टुक्रा टुक्रा पारेर विभत्स ढंगले राखिएको अवस्थामा २७ वर्षिय शिराइसी पक्राउ परेका थिए । मानसिक रुपमा कमजोर तथा डिप्रेसमा परेकाहरुले इन्टरनेटमा आत्महत्याबारे लेखेको पाएमा उनिहरुलाई भेटेर कोठामा ल्याउँदै उनले हत्या गर्ने गरेको आरोप उनिमाथि छ ।

तत्कालको लागि मानसिक स्वास्थ्य परिक्षणको लागि अनुमति दिएको अदालतले विस्तृत रिपोर्टपछि सजाय फैसला सुनाउने बताइएको छ ।

यस्तो थियो उक्त समयको घटना

जापानमा २७ बर्षीय युवाको कोठामा ९ जनाको शव टुक्रा टुक्रा पारेको अवस्थामा भेटियो

---