जापानमा पर्यटक लक्षित नयाँ साङ्केतिक चिन्ह

Posted on: May 03, 2016 | views: 291

२० चैत, टोकियो ।
बिदेशी पर्यटकलाई लक्षित गरेर जापानले आफ्ना केही साङ्केतिक चिन्हहरु अन्र्तराष्टिय रुपमा प्रचलित अनुसार परिवर्तन गर्ने भएको छ ।

आन्तरिक सहित बाह्य पयर्टकलाई लक्षित गर्दै साङ्केतिक चिन्ह नै फेरबदेल गर्न लागेको जापान सरकारले बताएको छ । बर्षेनि लाखौं पर्यटक आउने जापानले यस बर्ष पर्यटकलाई लक्षित गर्दै विभिन्न नियमहरु परिवर्तन गरिसकेको छ ।

जापानको जियोस्पाटियल सूचना विभागले यही बुधबार जापानमा आउने पर्यटकहरुको सहजताको लागि अंग्रेजी भाषा सहित १५ वटा नयाँ सांकेतिक चिन्ह प्रयोगमा ल्याउने भएको छ ।

सन् २०२० मा हुन लागेको ओलम्पिक र पारा ओलम्पिकलाई बढी लक्षित गरेर नयाँ नियम र व्यवस्था गर्न थालेको जापानले होटेल, पोस्ट पिस, कार्बोन पुलिस बक्स, चर्च र अस्पताल जस्ता ठाउँमा चिन्हहरु परिवर्तन थाल्ने छ ।

साथै अबदेखी जापानका मुख्य सडक चोकहरुमा नयाँ ट्राफिक संकेत चिन्हहरुसँगै म्यापहरु राखिनेछ ।