जापानमा नेपाली विद्यार्थी १६ हजार नाघे

Posted on: May 02, 2016 | views: 283

मदन पाठक-१९ चैत, टोकियो ।
अध्ययनका लागि जापान आउने नेपाली विद्यार्थीको संख्या अहिलेसम्मकै बढी देखिएको छ । एक तथ्यांकका अनुसार हाल जापानमा १६ हजार २ सय ५० नेपाली विद्यार्थी अध्ययन गरिरहेका छन् ।

करिव ६० हजार नेपाली रहेको जापानमा नेपाली सँगै अन्य देशबाट समेत अध्ययनका लागि आउने संख्या बढीरहेको पाइएको छ ।

जापान विद्यार्थी सर्भिसेज अर्गनाईजेशन नामक सस्थाले सार्वजनिक गरेको तथ्यांक अनुसार भियतनामी र नेपाली विद्यार्थीहरुको सख्या अन्य देशको तुलनामा अत्याधिक वढेको छ ।

अन्य देशको तुलनमा यि दुई देशबाट पछिल्लो बर्ष १३.२ प्रतिशत विद्यार्थीको आगमन बढेको पाइएको छ ।
जापान विद्यार्थी सर्भिसेज अर्गनाईजेशन जासौका अनुसार जापानमा २ लाख ८ हजार ३ सय ७९ जना विदेशी विद्यार्थी अध्ययनरत छन । जसमा सबैभन्दा बढी चीनका रहेका छन् । चीनका ९४ हजार १सय११ जना रहेका छन ।

जापानमा भीयतनामका मात्रै ३८ हजार ८ सय ८२ जना विद्यार्थी अध्ययनरत छन् ।

नेपालीको सख्या भने अघिल्लो वर्षको तुलनामा ५५.५ प्रतिशतले वृद्धि भएको छ ।
जापानको शिक्षा मन्त्रालयका अधिकारीका अनुसार भियतनामा वढेको व्यवसायीक लगानीका कारण भियतनामी विद्यार्थीहरुलाई भाषा तथा व्यवसायीक शिक्षा पायक र बढेको बताइएको छ ।