अप्रिल ३ सांस्कृतिक साँझ तयारी अन्तिम चरणमा, टिकट विक्रि धमाधम

Posted on: May 03, 2016 | views: 479

मदन पाठक-१८ चैत, टोकियो ।

अपांग बालबालिको सुन्दर भविष्यको लागि सहयोग गर्ने सेवा भावले यही अप्रिल ३ तारिखमा जापान टोकियोमा हुने सांस्कृतिक साँझको सम्पूर्ण तयारी सकिएको छ ।

आयोजक संस्था हाम्रो ग्रुप जापानका सदस्य विनोद भण्डारीले दिनुभएको जानकारी अनुसार बैतडीस्थित एक परिवारको ४ बालबालिकाको शिक्षाका लागि हुन लागेको कार्यक्रमको टिकट विक्रि अन्तिम चरणमा पुगेको छ ।

'टिकट विक्रि ५० प्रतिशत सकिसक्यो' भण्डारीले भन्नुभयो-'अन्तिम समयमा टिकट विक्रि बढेको छ सायद १ वा २ तारिखसम्म सकिन्छ होला ।'

आयोजक समुहका भण्डारीका अनुसार अप्रिल तिन तारिखमा जापान टोक्यो, मिनामी ओत्सुका हलमा साँझ ५ बजेबाट सुरु हुँदैछ ।

कार्यक्रममा नेपालबाट चर्चित लोकदोहोरी गायक गायिकाहरु राजु ढकाल, सावित्री जोशी, चर्चित हाँस्यकलाकार सुमान शंकर ईकु, मोडल रश्मी तामाङ जापान आउने पक्का भइसकेको छ ।

जापानमा रहेका कलाकारहरु युवराज आचार्य, सूर्य खड्का, विनोद भण्डारी तथा हाँस्यकलाकार प्रदिप कार्की, संगीता, निशा, मनिषा लगायतले पनि सांस्कृतिक कार्यक्रममा आफ्नो प्रस्तुती पस्कने भएका छन् ।

यो पनि पढ्नुहोस् ।

तपाईलाई रुवाउनेछ यो दृश्यले-जसको लागि गरिँदैछ अप्रील तीनमा साँस्कृतिक साँझ

अपाङगता सहयोगार्थ नयाँ बर्षमा साँस्कृतिक साँझ