ट्रम्पलाई जवाफ । उत्तर कोरियाद्धारा अर्को आणविक बम परिक्षण, इरानले क्षेप्यास्त्र हान्यो

Posted on: September 23, 2017 | views: 1955

टोकियो ।

उत्तर कोरियाले शनिवार अपरान्ह नयाँ आणविक बमको परिक्षण गरेको छ ।


जापानको क्योदो न्युज एजेन्सीले उल्लेख गरे अनुसार अपरान्ह ४ बजेर २९ मिनेट गएको समयमा उत्तर कोरियाले नयाँ घातक आणविक बमको परिक्षण गरेको हो ।


उत्त परिक्षणबाट उत्तर कोरियामा ३.४ रेक्टर स्केलको भूकम्प गएको चिनियाँ भूगर्भ विभागलाई उदृत गर्दै समाचारमा उल्लेख गरिएको छ ।

कम्पन बारेमा उल्लेख गर्दै चिनियाँ भूर्गभ विभागले यो जमिन देखी १ किलोमिटर माथिनै भएको र यो कम्पन मानव निर्मित भएको भन्दै उत्तर कोरियाले यसअघि गरेको जस्तै हाइडोजन बम परिक्षण गरेको विश्वास गरेको छ ।


अमेरिकी राष्ट्रपति डोनल्ड ट्रम्पले संयुक्त राष्ट्रसंघको सुरक्षा परिषद्लाई सम्बोधन गर्दै उत्तर कोरियाले अटेर गरे उत्तर कोरियालाई ध्वस्त बनाउने धम्की दिए लगत्तै त्यसलाई कुकुरको भूकाईको संज्ञा दिएको उत्तर कोरियाले दुई दिनपछि यस्तो परिक्षण गरेको हो ।


अमेरिकी राष्ट्रपतिले उक्त संवोधनका क्रममा इरानको क्षेप्यास्त्र कार्यक्रमको आलोचना समेत गरेका थिए ।




जवाफमा इरानी राष्ट्रपति हसन रुहानीले क्षेप्यास्त्र परिक्षण आफ्नो देशको सुरक्षा र अधिकारको कुरा भएको बताएका थिए । यसै क्रममा हिजो मात्र इरानले २ हजार किलोमिटरसम्म मारहान्न सक्ने क्षेप्यास्त्रको सफल परिक्षण गरेको छ ।


अरब देशका सबै भूभाग सहित इजरायलमा समेत आक्रमणको निशाना बनाउन सक्ने क्षेप्यास्त्रको सफल परिक्षण गरेको भिडियो इरानले सार्वजनिक गरेको छ ।