सिद्धार्थ बैकले जापानबाट सिधा कारोवार सुरु गर्ने,सेवा प्रारम्भको दिन टोकियोमा भव्य कार्यक्रम

Posted on: May 03, 2016 | views: 318

काठमाडौं,चैत १६ । जापानमा सिद्धार्थ बैक लिमिटेडले आफनो सिधा बैकिङ कारोवार सेवा सुरु गर्ने भएको छ ।  आगामी अप्रिल महिनाबाट जापानबाट पहिलो पटक नेपालको क वर्गको सिद्धार्थ बैक लिमिटेडले सिधा कारोवार सुरु गर्न लागेको हो ।  बैक मार्फत नेपालीहरुले जापानबाटै आफनो नाममा सिधै खाता खोल्न, रकम जम्मा गर्न र रेमिटयान्सको सेवा लिन पाउने सुविधा लिन पाउने छन । 

सिद्धार्थ बैक लिमिटेड जापानका प्रमुख बाबुराम भण्डारीका अनुसार पहिलो पटक जापानमा नेपालीहरुका लागि विभिन्न सेवा सहित बैकिङ सेवा सुरु गर्न लागिएको हो । जसमा पहिलो पटक जापानको भिषा पाउनु भएकाहरुलाई सहुलियत दरमा ऋण सेवा सहित अन्य कारोवार प्रदान गर्न लागेको छ । यस्तै जापानमा वसोवास गर्दै आएका जापानी नेपालीहरुलाई अन्य वैकको तुलनामा सहुलियत दरमा व्यवसायीक तथा घरजग्गा ऋण प्रदान गर्ने लक्ष्य राखेको छ । 

यसैगरि खातामा रकम ट्रान्सफर सेवा तथा अनलाईन बैकिङ सुविधा समेत प्रदान गर्न लागिएको प्रमुख भण्डारीले जानकारी दिनुभयो ।  आगामी २०१६ अप्रिल १ तारिकबाट सुरु हुने बैकिङ सेवा पहिलो पटक नेपाली समुदायलाई लक्षित गरि संचालन गर्न लागिएको हो । बैकिङ सेवासंगै सोही स्थानबाट रेमिटयान्सको सेवा समेत पाईने छ ।


यसैवीच बैकको औपचारिक उदघाटन कार्यक्रम भने आगामी मे २ तारिक सोमवारका दिन टोकियोमा एक भव्य सांगीतिक कार्यक्रमको साथमा विशिष्ट अथितिको उपस्थितिमा हुदैछ । उदघाटन कार्यक्रममा सिद्धार्थ बैक लिमिटैडका प्रमुख कार्यकारी अधिकृत सुरेन्द्र भण्डारी, अधिकृत सुन्दरप्रसाद कडेल र रेमिटयान्स विभाग प्रमुख पंकज पन्त लगायतका विशिष्ठ पदाधिकारीहरुको सहभागिता रहने छ ।


सिद्धार्थ रेमिटयान्सले टोकियोमा भव्य सांगीतिक कार्यक्रमको गर्ने निमा रुम्वा, मनोज गजुरेल सहित जिग्री र पाँडे बुढो पनि जापान आउने, प्रवेश निशुल्क जापानमा पहिलो पटक सिधा बैकिङ सेवा सुरु गर्न लागेको सिद्धार्थ बैक तथा रेमिटयान्स प्रदायक सिद्धार्थ रेमिटले सेवा प्रारम्भ भएको अवसर पारेर भव्य सांगीतिक कार्यक्रमको आयोजन गर्ने भएको छ । 

टोकियो नाकानो जिरो हलमा आगामी मे २ तारिकका दिन हुने सांगीतिक कार्यक्रम नेपाली साँझ २०१६ मा नेपालका चर्चिक हास्य कलाकारहरु मनौज गजुरेल, हास्य कार्यक्रम भद्रगोलका जिग्री कुमार कट्टैल, पाँडेबुढा अर्जुन घिमिरे तथा लोकप्रिय पपगायक निमा रुम्वा, लोकगायिका काजल गुरुङ लगायतको विशेष प्रस्तृति रहनेछ । साथमा नेपाली चलचित्रकी चर्चित नायिका ऋचा शर्माको नृत्य तथा वेजोड प्रस्तुति रहनेछ । 

छिटो र भरपर्दो रेमिटयान्स सेवा पुरयाउने लक्ष्य राखेको सिद्धार्थ रेमिट तथा सिद्धार्थ बैकको जापान सेवा सुरु भएको अवसर पारेर गर्न लागिएको कार्यक्रममा प्रवेश निःशुल्क गरिएको छ । कार्यक्रममा सहभागिता जनाउनका लागि रेमिटयान्सको बेवसाईट तथा लिंकबाट वा फारम भरेर निशुल्क पास लिन सकिने कम्पनीले जनाएको छ । सदस्यता फारम भरेर कुपन लिएकाहरुका लागि रेमिटयान्स कम्पनीले साथमा दुईहजार येन समेत उपहार स्वरुप प्रदान गर्नेछ । 
नेपाली समुदायमा चर्चामा रहेका रेष्टुरेन्ट व्यवसायी बाबुराम भण्डारी, आईटि ईन्जिनियर मेघराज नेपाल तथा गैरआवासीय नेपाली अभियन्ता तथा व्यवसायी सुदन थापा लगायतको सकृयतामा जापानमा संचालन हुन लागेको सिद्धार्थ बैक तथा सिद्धार्थ रेमिटले जापानबाट सिधै बैकिङ र रेमिट सेवा समेत सुरु गर्न लागेको हो। 
सेवा प्रारम्भ अवसर पारेर गर्न लागिएको सो कार्यक्रममा सिद्धार्थ बैकका प्रतिनिधिहरु सहित विशिष्ठि व्यक्तित्वहरुको सो अवसरमा विशेष उपस्थिति रहने छ ।