एनआरएनए जापान निर्वाचनको मतपरिणाम यस्तो छ (बिजयीहरुको नाम र भिडियो सहित)

Posted on: September 03, 2017 | views: 3273

टोकियो ।

गैर आवासिय नेपाली संघ जापानको निर्वाचनको मत परिणाम टपनेपालन्युजडटकमलाई प्राप्त भएको छ ।


प्राप्त मत परिणाम अनुसार उपाध्यक्षमा शिवप्रसाद पौडेल र सरोज कुमार खत्री बिजयी भएका छन् ।


उपाध्यक्षमा पौडेल र खत्री सँगै छत्र बहादुर दाहाल, जीवन न्यौपाने र दोण सिलवाल प्रतिस्पर्धामा थिए ।


यता सचिवमा जनक विक्रम शाही बिजयी भएका छन् । शाहीले बासुदेव लामिछानेलाई पराजित गरेका छन् ।


टपनेपालन्युजलाई प्राप्त जानकारी अनुसार एक मात्र महिला सदस्यमा सृजना पाण्डे बिजयी भएकी छिन् । उनले गिता आचार्य स्मृती र कमला गैरेलाई पराजित गरेकी हुन् ।


यसैगरि पाँच केन्द्रिय सदस्यमा २१ जना प्रतिस्पर्धा रहेकोमा हस्त लामा, बाल कृष्ण कँडेल हिमाल, उत्तम श्रेष्ठ, राजन पौडेल र लाल बहादुर रावल आशिष बिजयी भएका छन् ।


यद्यपी निर्वाचन समितिले भने आधिकारीक रुपमा मत परिणाम सार्वजनिक गरेको छैन । समितिले भोलीसम्ममा मत परिणाम सार्वजनिक गर्ने बताएको छ ।