एनआरएनए जापान केन्द्रिय सदस्यका एक दाबेदार अर्थात् उत्तम कुमार श्रेष्ठ

Posted on: September 02, 2017 | views: 1738

टोकियो ।

एनआरएनए जापान नेतृत्व चयनको अन्तिम संघारमा अकस्मात भेटिएका उत्तम कुमार श्रेष्ठ अघिपछि भन्दा व्यस्त देखिन्थे । फोन, म्यासेज अनि भेटघाट, केही दिन यता व्यस्त बनाएको उनको दैनिकिको कारण थियो गैर आवासिय नेपाली संघ जापानको केन्द्रिय सदस्यमा उम्मेद्धारी ।


छोटो कुराकानीका क्रममा श्रेष्ठले भने-'म सदस्यको उम्मेद्धार हो मैले प्रतिवद्धता जनाउँदै धेरै काम गर्छु भन्ने होइन, म यत्ति भन्न सक्छु म सदस्य भएपछि नेतृत्वले गलत काम गर्न खोजे वा विवादीत काममा हात हालेमा त्यसको बिरोध गर्छु र आम नेपाली तथा नेपालको हितको पक्षमा उभिन्छु । तर नेतृत्वले गर्ने हरेक सकारात्मक काममा पनि मेरो सक्दो सहयोग र नेतृत्वदायि भूमिका हुनेछ ।'


उत्तम कुमार श्रेष्ठलाई नै सदस्यमा भोट किन हतारको भेटमा उनले उम्मेद्धारी घोषणासँगै उठाएको नारा सम्झंदै भने -'गलत पात्र र प्रवृतिलाई निरुत्साहित पार्न मलाई भोट ।'




जापानमा हुने अधिकाशं मनोरञ्जनात्मक कार्यक्रम होस् वा सामाजिक परोपकारी, नेपाली समुदायका उत्सव र महोत्सवमा अग्रपंक्तिमा रहेर सफल बनाउन सघाउन स्वयंसेवी बनेर खटिने गरेका श्रेष्ठले आफ्नो उम्मेद्धारीमा दाबी गर्दै भने -'मैंले सिमित नेपालीमाझ रहेर अहिलेसम्म सकेको सेवा र सहयोग गर्दै आएको छु, मात्र यत्ति हो अब संस्थागत रुपमा एनआरएनएभित्र रहेर जापानभर रहेका नेपालीहरुलाई सहयोग र सहकार्य गर्न खोजेको हुँ ।'


अध्यक्ष, महासचिव, कोषाध्यक्ष हुँदै निर्वाचनको एकदिन अघि मात्र भएपनि महिला उपाध्यक्षमा सहमती भएपनि बाँकी पदहरुमा निर्वाचन हुने लगभग पक्का भएको छ ।



उत्तम कुमार श्रेष्ठले मतदानमा आफुलाई बिजयी गराउने विश्वास सहित छुट्टिंदै गर्दा भने -'सोचेर र बुझेर आफ्नो अमुल्य मत सबैले दिनुहुनेछ, किन भने एक भोटले ठूलो अर्थ राख्छ एनआरएनए जापानलाई मेरो पनि हो भन्ने व्यवहारिक अनुभुति गराउन पनि मलाई भोट दिनुहुनेछ ।'