अन्तर्राष्ट्रिय फुटबल खेल्न नेपाली जुनियर टिम टोकियो आइपुग्यो

Posted on: May 02, 2016 | views: 290

मदन पाठक-१६ चैत, टोकियो ।
अन्तर्राष्ट्रिय फुटबल प्रतियोगितामा प्रतिस्पर्धा गर्न नेपाली जुनियर फूटबल टोली जापान आइपुगेको छ ।
आगामी अप्रिल पहिलो साता जापानमा हुने १२ वर्ष मुनिको अन्तर्राष्ट्रिय फुटबल प्रतियोगितामा नेपाली टोलीले प्रतिस्पर्धा गर्दैछ ।

प्रतियोगितामा भाग लिन नेपालबाट प्रसन्न श्रेष्ठ, प्रकाश नेपाली, निराजन थापा, मनोज नेपाली, साकार थापा, अनमोलसिंह थापा, अविरल थापा, मनोज जलारी, रोशन थापा, कुशल परियार, प्रमेश गुरुङ, अस्मित गोर्खाली, बिशाल थापा मगर र प्रशिक्षक शम्भु केसी रहेका छन् ।

टोकियो फुटवल संघ र फुटवल क्लव कोपा पुमा तोरेरोस जापानको संयुक्त आयोजनामा अप्रिल १, २ र ३ मा कोपा पुमा तोरेरोस(२०१६ अन्तर्राष्ट्रिय बाल फुटबल प्रतियोगिता हुँदैछ ।

विगत ५ वर्ष देखि जापानमा हुँदै आईरहेको उक्त प्रतियोगितामा नेपाली टिमको पहिलोपटक प्रतिस्पर्धा गर्न लागेको हो ।

उक्त प्रतियोगितामा नेपाली टिमलाई सहभागी गराउन सहयोग समितिको लागि शरदकुमार गौचन नेतृत्वको टोलीले पहल गर्दै आएको थियो । जनु सहयोगी समुहको उपसंयोजक ओमप्रकाश तुलाचन, सदस्यहरु बसन्त गौचन लगायत रहेका छन् । नेपालबाट आएको जुनियर फुटबल टोलीलाई नारिता विमानस्थलमा पनि उहाँहरुले खादा लगाएर स्वागत गर्नुभएको थियो ।र्पण गरी स्वागत गर्नुभयो ।


नेपालबाट आउने खेलाडीहरुको लागि जापानमा आवास, भोजन र यातायातको ब्यवस्था आयोजक समितिबाट हुने भए पनि नेपालबाट जापानसम्मको हवाई टिकटको ब्यवस्था नहुने भएकोले जापानबासी नेपालीहरुबाट सहकार्यको अपेक्षा गर्दै सहयोग समितिले बिभिन्न ढंगले स्रोत जुटाउन लागिपर्दै आईरहेको छ ।

सोहीअनुसार नेपालबाट आएको टिम र जापानमा रहेको जुनियर नेपाली टिम बिच आइतवार च्यारिटी म्याच हुने भएको छ । च्यारिटी म्याचको प्रतिब्यक्ति १ हजार येन प्रवेश शुल्क तोकिएको छ । उक्त म्याचमा उपस्थित भई नेपाली बाल खेलाडीहरुप्रति सम्मान ब्यक्त गर्न र हौसला थपिदिन जापानको नेपाली समुदायमा सहयोग समितिले अपिल गरेको छ ।

च्यारिटी म्याच टोकियोको सेतागाया कु अन्तर्गत पर्ने चिथोसे खारासेयामा भन्ने ठाउँमा आइतवार बिहान ९ बजेदेखि हुने सो समितिले जनाएको छ ।