२० किलोको ट्युमर भएका व्यक्तिको सफल शल्यक्रिया

Posted on: May 12, 2017 | views: 710

बिराटनगर ।

विराटनगरस्थित नोेबेल मेडिकल अस्पतालले २० किलोको ट्युमर भएका एक व्यक्तिको सफल शल्यक्रिया गरेको छ ।


अस्पतालमा कार्यरत चिकित्सकको टोलीले कानको पछाडि पट्टी भएको २० किलोको ट्युमरको सफल शल्यक्रिया गरेका हुन् ।


सुनसरीको दुहवी-१ का मोहम्मद इस्ताकको गएको बुधवार कानको पछाडिको भागमा रहेको ट्युमरको लामो समय लगाएर सफल शल्यक्रिया गरेका थिए । 


२० किलो टुयुमरको सफल शल्यक्रिया पश्चात बेड भर्नामा इस्ताक रहेका छन । उनले ५ वर्ष अघि कानको पछाडि भागमा सामान्य गाँठो जस्तो देखिएको मासुको डल्लो बढेर अहिले यतिको ठुलो हुन पुगेको वताए ।


चार वर्ष अघिसम्म सामान्य अवस्थामा नै थियो एक वर्षदेखि गाँठो बढ्दै जाँदा २० किलो भयो । जसले गर्दा दैनिकिमा नै समस्या भएको इस्ताकले बताए ।