यस्तो छ गगन थापाको 'मेरो वर्ष २०७४' अभियान

Posted on: April 13, 2017 | views: 341

काठमाडौं ।

स्वास्थ्य मन्त्रालयले म स्वस्थ, मेरो देश स्वस्थ भन्ने नाराका साथ मेरो वर्ष २०७४ अभियान शुरु गर्ने भएको छ ।


नयाँ वर्ष २०७४ को उपलक्ष्यमा  भोलि बैशाख १ गते बिहान प्रधानमन्त्री पुष्पकमल दाहाल प्रचण्डले दशरथ रङ्गशालाबाट यो अभियानको शुभारम्भ गर्नु हुने छ ।


मेरो वर्ष २०७४ को अभियानवारे स्वास्थ्य मन्त्रालयमा आज पत्रकार सम्मेलन गरी स्वास्थ्य तथा जनसंख्या मन्त्री गगन थापाले, व्यक्ति र परिवारलाई स्वस्थ राखी सिंगो देशलाई नै स्वस्थ राख्नु अभियानको सोच रहेको बताउनु भयो ।


मेरो वर्ष २०७४ को अवसरमा स्वास्थ्य मन्त्रालयले  स्वस्थ जीवनका लागि मेरा ५ प्रतिवद्धता भनी सार्वजनिक गरेको छ ।


पांच प्रतिवद्धतामा म रक्सी, चुरोट र सुर्तिजन्य पदार्थ खान्न, म नियमित व्यायाम गर्छु, म स्वस्थ र पोषिलो खाना खान्छु, म नियमित स्वास्थय परिक्षण गराउँछु तथा  म मेरो परिवार र समुदायको स्वास्थ्यप्रति सजग रहन्छु भन्ने रहेको छ ।