वरिष्ठता नभई दलीय भागवण्डामा डिन नियुक्त भए अभियन्ता केसी अनसनमा बस्ने

Posted on: November 12, 2016 | views: 525

२८ कार्तिक, काठमाडौं ।
प्राध्यापक डा. तथा सामाजिक अभियन्ता गोविन्द केसीले त्रिवि चिकित्साशास्त्र अध्ययन संस्थान आईओएमको डीन वरिष्ठताका आधारमा नियुक्त नगरिए तत्काल आमरण अनसन थाल्ने हुनुभएको छ ।

सरकारलाई २४ घन्टे अल्टिमेटम दिनुभएका केसीले २४ घन्टाभित्र डिन नियुक्त गर्न सरकारलाई बुधबार अल्टिमेटम दिनुभएको थियो तर शनिबारसम्म पनि डिन नियुक्त नभएपछि उहाँले नियुक्त गर्दा वरिष्ठता नहेरी दलिय भागवण्डा भए तत्काल थाल्ने हुनुभएको हो ।

शनिबार अर्को विज्ञप्ति निकालेर डा. केसीले आइतबार २ बजेसम्म आईओएमको डिन नियुक्त गर्न र एमबीबीएस र बीडीएसको शूल्क गत वर्षकै कायम गर्न माग गर्नुभएको छ ।
'
वरिष्ठता नभई दलीय भागवण्डाका आधारमा तथा माफियको इशारामा डिन नियुक्त गरिएको खण्डमा तुरुन्त आमरण अनशन शुरु गर्ने जानकारी पनि दिन चाहन्छु' डा केसीले विज्ञप्तिमा उल्लेख गर्नुभएको छ ।

आइओमको डिन पद ९ महिनादेखि रिक्त छ भने चार सहायक डिनको कार्यकाल पनि हालै मात्र सकिएको छ र आईओम पूर्ण रुपमा नेतृत्वविहीन भएको छ ।

त्रिवि उपकुलपति तीर्थ खनियाले राजनितिक कार्यकर्ता तथा माफियालाई नियुक्ति दिन खोजेको बताइएको छ ।
डा केसीले १२ दिने अर्को अल्टिमेटम दिएर त्रिवि उपकुलपति रहेका विवादास्पद खनियालाई बर्खास्त गर्नु पर्ने नौबुँदे माग समेत राख्नुभएको छ ।

आइओमलाई पूर्ण स्वायत्त संस्था बनाउनु पर्ने, संसदमा विचाराधीन स्वास्थ्य विज्ञान प्रतिष्ठानको विधेयक फिर्ता गर्ने, सरकारी शिक्षण संस्थानहरुमा सत प्रतिशत निःशुल्क भर्ना सुनिश्चित र प्रत्येक प्रदेशरक्षेत्रमा कम्तिमा एउटा सरकारी मेडिकल, डेन्टल, नर्सिङ कलेज खोल्ने सम्झौता तुरुन्त कार्यन्वयन गर्नु पर्ने डा= केसीको माग छ ।

स्मरणीय छ अख्तियारका विवादीत प्रमूख लोकमानसिंह कार्कीमाथि संसदमा केसीले राख्नुभएको मागकै आधारमा रहेर महाअभियोग प्रस्ताव दर्ता भएको छ ।