कैलालीमा स्क्रब टाइफसका ७४ जना बिरामी भेटिए

Posted on: September 30, 2016 | views: 667

१४ असोज, धनगढी ।
कैलालीको धनगढी स्थित सेती अंचल अस्पतालमा उपचार गर्न आएका ७४ जनामा स्क्रब टाइफस देखिएको छ ।

पछिल्लो दुइ महिनाको अवधिमा उपचार गर्न अस्पताल पुगेका १ सय २२ जना मध्ये ७४ जनामा स्क्रब टाइफस देखिएको सो अस्पतालले जनाएको छ ।

केन्द्रीय स्वास्थ्य प्रयोगशालामा गरिएको रगत परिक्षणबाट उनीहरुमा स्क्रब टाइफस देखिएको अस्पतालमा वार्ड इन्चार्ज यसोदा ढकालले जानकारी दिनुभयो ।

स्क्रब टाइफस देखिनेमा कैलाली, कचनपुर, डोटी, डडेल्धुराबाट उपचार गर्न आएका बिरामी रहेको बताइएको छ । 

चिकित्सकका अनुसार मुसाबाट सर्ने स्क्रव टाइफसका बिरामीमा कडा खाले टाउको दुख्ने, ज्वरो आउने, घाटीमा रातो बिमिरा देखिने, ग्रन्थी सुन्निने जस्ता लक्षण देखा पर्ने गर्दछन् ।

यस्तै यो रोगबाट बच्न घर आगनको घास, पतिकंर सफा गर्ने, मुसा मार्ने र शंका लागेमा तत्काल स्वास्थ्य संस्था पुगेर चेकजाज गराउने स्वास्थ्यक्रमीले सुझाव दिएका छन् ।