स्वास्थ्य मन्त्री गगन थापाले भने-'सुधारको नतिजा तीन महिना भित्र निस्कन्छ'

Posted on: September 22, 2016 | views: 474

६ असोज, चितवन ।
नेपाल सरकारका स्वास्थ्य मन्त्री गगन थापाले स्वास्थ्य क्षेत्रमा भएको सुधारको प्रारम्भिक नतिजा ३ महिना भित्र निस्कने बताएका छन् ।

आज बिहान भरतपुर विमानस्थलमा  पे्रस युनियन, चितवनले  आयोजना गरेको पत्रकार सम्मेलनमा  पत्रकार हरु सँग कुरा गर्दै सो कुरा बताएका हुन् ।

चितवनमा रहेको मध्यमाञ्चल उपक्षेत्रीय भरतपुर अस्पतालको सि व्लकको उद्घाटन गर्न आइपुगेका थापाले चितवनको भरतपुर अस्पताल, बि.पी. कोइराला मेमोरियल क्यान्सर अस्पतालको अनियमितता, कमजोर व्यवस्थापन र भइरहेको श्रोत साधनको सही उपयोग नगरेको गुनासो प्रति गम्भिर ध्यान आर्कषण गरेका छन् ।

मन्त्री थापाले अस्पतलाको सेवाप्रति आंच आउने र बिरामीको मौलिक हक को बाधा पुर्याउने तल देखि माथि सम्मका कुनै कर्मचारी लाई बाँकी नराख्ने बताएका छन् ।

फरक प्रसंगमा डा.गोबिन्द के.सी.को बारेमा सोधिएको जिज्ञासामा मन्त्री गगन थापाले भने  ‘डा.के.सीको माग पनि चिकित्सा क्षेत्रमा भएको सुधारको नै माग हो, उहांँको माग शतप्रतिशत ठीक छ, तर संसदको प्रक्रियामा जांँदा सबै माग सम्बोधन गर्न केही समय अबश्य लाग्छ’ ।

साथै मन्त्री थापाले स्वास्थ्य सुधारको लागि आमनागरिक, राजनितीक दल तथा पत्रकारलाई सहयोगको लागि आग्रह समेत गरे ।