सचेत बनौं । एकसय चारजनामा प्राणघातक ‘स्क्रब टाइफर्स’ सङ्क्रमण

Posted on: August 19, 2016 | views: 592

४ भदौ, चितवन ।

चितवनमा फैलिएको स्क्रब टाइफर्स रोग १ सय ४ जनामा सङ्क्रमण भएको पाइएको छ ।

चितवन मेडिकल कलेजका सञ्चालक डा दयाराम लम्सालले २ सय २२ जनामा गरिएको परीक्षणमा १ सय ४ जनामा सङ्क्रमण भएको जानकारी दिनुभयो ।

डा लम्सालका अनुसार बालबालिकामा बढी सङ्क्रमण देखिएको छ ।

जिल्ला जनस्वास्थ्य कार्यालय चितवनले यसअघि ६७ जनामा सङ्क्रमण भएको सार्वजनिक गरेको थियो । प्रकोप फैलिंदै गएकोले रोगीको परीक्षण हुनसकेको छैन ।

चितवन जिल्लामा २०७३ साल वैशाखपछि अहिलेसम्म रोगको अवस्था र सङ्क्रमणको बारेमा आज पहिलोपटक जनस्वास्थ्य कार्यालयले तथ्याङ्क सार्वजनिक गरेको हो ।

स्क्रव टाइफसका कारण चितवनमा सङ्खुवासभा १ र भोजपुरका १ गरी तीन जनाको मृत्यु भैसकेको छ ।

मुख्यगरी मुसामा लाग्ने एक प्रकारको सङ्क्रमित किर्नाले टोकेमा यो रोग लाग्छ । टाउको दुख्ने, उच्च ज्वरो आउने, गर्दन र घाँटी वरिपरी मसिना बिबिरा आउने, पसिना आउने, ग्रन्थी सुनिने यसको लक्षण हो ।