कोरोनाको सूचना निःशुल्क उपलब्ध

Posted on: February 06, 2020 | views: 212

विदुर । कोरोना भाइरसको शंका लागेका व्यक्तिलाई सरकारले निःशुल्क परामर्श तथा सूचना उपलब्ध गराउने भएको छ । 

परामर्श लिनको लागि नेपाल सरकारको स्वास्थ्य तथा जनसंख्या मन्त्रालयले दुई वटा फोननम्बरको व्यवस्था गरेको छ । कोरोनाको लक्षणका साथै अन्य शंका लागेर बिरामी भएको फेला परेमा मन्त्रालयबाट उपलब्ध गराईएको नम्बरमा फोन गरेर सूचना उपलब्ध गराउन आग्रह गरिएको स्वास्थ्य तथा जनसंख्या मन्त्रालयका प्रवक्ता महेन्द्रप्रसाद श्रेष्ठले जानकारी दिनुभयो ।

यस्तै, चीनले नेपाललाई आफ्ना नागरिकलाई स्वदेश फिर्ता ल्याउनुअघि नोवल कोरोना भाइरस नियन्त्रणको प्रयास गर्न र विश्व स्वास्थ्य संगठनसँग सल्लाह लिन सुझाव दिएको छ ।

चीन सहित कोरोना भाइरसको संक्रमण देखा परेका देशमा रहेका नागरिकलाई सरकारले स्वदेश ल्याउने तयारी गरिरहेका बेला नेपालका लागि चिनियाँ राजदूतले भाईरस फैलन नदिनु प्रत्येक मुलुकको उत्तिकै जिम्मेवारी भएकोले सबै मुलुक सतर्क रहन सुझाब दिएको छ ।