भाल्चेमा सञ्चालन भएको शिविरमा ४१५ ले जाँच गराए

Posted on: November 07, 2019 | views: 231

किस्पाङ । नुवाकोटको किस्पाङ गाउँपालिका वडा नं. १ का भाल्चेमा सञ्चालन भएको निःशुल्क स्वास्थ्य शिविरमा चारसय भन्दा बढीले स्वास्थ्य जाँच गराएका छन् ।

यही कार्तिक १७ गतेदेखि १९ गतेसम्म चलेको शिविरमा विभिन्न स्वास्थ्य समस्याबाट पीडित भएका ४१५ जनाले जाँच तथा परिक्षण गराएको आयोजक कग्यु मेन्लाम अदिंंसावादी युवा क्लव नुवाकोटले जनाएको छ ।

शिविरमा काठमाडौको कान्तिपुर अस्पतालबाट आएका चिकित्सिकहरुबाट स्वास्थ्य जाँच, हाडजोर्नी, स्त्रीरोग, दात सम्बन्धि समस्या एंव सामान्य स्वास्थ्य सेवाको परीक्षण गरेका थिए । विशेषज्ञ सहितको २१ जनाको चिकित्सकको टोलीले बिरामीको शल्यक्रिया बाहेकको स्वास्थ्य समस्यासंग सम्बन्धित उपचार र औषधि उपलब्ध गराएको आयोजक क्लबका सचिव सेने मोक्तान तामाङले जानकारी दिनुभएको छ ।

जाँच गर्ने क्रमम मुटु रोगसंग सम्बन्धित देखिएका दुई जना बिरामीको अबस्था गम्भीर पाइएपछि थप उपचारको लागी कान्तिपुर अस्पतालले उहाँहरुलाई काडमाडौ लैजाने जनाएको छ । बिरामीको जाँचको लागी डाक्टरहरु किसन थापा, सुरज थापा, जेम्स भण्डारी, आस्थाप उपाध्याय, श्रृङ्खला श्रेष्ठ लगायतको टोली खटिएका थिए ।