एशोदादेवी भगवानसिंह केसी मेमोरियल ट्रष्ट मार्फत परोपकार क्लबलाइ एम्बुलेन्स उपलब्ध

Posted on: March 24, 2019 | views: 124

नुवाकोट । एशोदादेवी भगवानसिंह केसी मेमोरियल ट्रष्टले नुवाकोटको तार्केश्वर गाँउपालिको वडा नं. ६ मा रहेको परोपकार युवा क्लबलाई एम्बुलेन्स उपलब्ध गरइएको छ ।

भारतीय दूतावाससंगको सहकार्यमा नेपाल ल्याइएको बा. २१ च ४६७७ नं. को एम्बुलेन्स ट्रस्टका संरक्षक एंव नेपाली काँग्रेसका प्रभावशाली नेता अर्जुननरसिंह केसी र अध्यक्ष डा. केदारनरसिंह केसीले शनिबार एक कार्यक्रमकाबीच एम्बुलेन्सको साचो क्लबका अध्यक्ष रामकृष्ण रिमालाई हस्तान्तरण गर्नुभयो ।


विदुर नगरपालिकासंग जोडिएको बस्ती भएपनि भौगोलिक रुपमा पीछडिएको तथा यातायातको सहज साधन नहुदाँ यहाँका बासिन्दा बिरामी हुदाँ समयमा नै अस्पताल पुर्याउन भइरहेको कठिनाई समाधानको लागी एम्बुलेन्स सेवा प्रभावकारी हुने विश्वास लिएको पूर्व शिक्षा समेत हुनुभएका अर्जुननरसिंह केसीले बताउनुभयो ।


ट्रस्ट मार्फत नुवाकोट र रसुवा हुदै सिन्धुपाल्चोकसम्म शिक्षा र स्वास्थ्यमा सेवा पुर्याउदै आएकाले तार्केश्वरमा अति आवश्यक रहेको एम्बुलेन्स सेवा भारत सरकारसंगको विशेष पहलमा नेपाल ल्याएर तार्केश्वर गाँउपालिका वडा नं ६ सहित आसपासमा पर्ने बासिन्दालाई प्रदान गरेको ट्रस्टका अध्यक्ष डा. केदारनरसिंह केसीले बताउनुभयो ।

उहाँले नुवाकोटका बिरामीले समयम नै एम्बुलेन्स सेवा पाउन नसकेको गुनासो चौतर्फी आइरहेकाले ट्रस्ट मार्फत मात्रै सात थान एम्बुलेन्स उपलब्ध गराइसकेकाले त्यसको परिचालन प्रभावकारी बनाउनको लागी सम्बन्धित पक्षलाई डा. केसीले आह्वान गर्नुभयो । एम्बुलेन्स पाउन कठिनाई भएको गुनासो एकातिर विद्यमान उल्लेख गर्दै अर्को तिर एम्बुलेन्सले बिरामीलाई अस्पताल लैजादा चालकहरुले कमिसन पाउने अस्पतालमा लैजाने गरेको समेत सुनिएकाले बिरामीको स्वास्थ्यलाई हेलचक्राई नगर्न पनि उहाँले एम्बुलेन्स चालक र सञ्चालकको ध्यानाकषर्ण गराउनुभयो ।



कार्यक्रममा ट्रस्टका उपाध्यक्ष प्रतिमा केसी, नेपाली काँग्रेसका जिल्ला नेताहरु चोकराज शाक्य, केशव अर्याल, रेडक्रस नुवाकोट सभापति सुरतबहादुर चित्रकार, नेविसंघका केन्द्रीय नेता निरन्जन थापा, नेविसंघ जिल्ला अध्यक्ष नमराज सुवेदी लगायतको उपस्थिती रहेको थियो ।
कार्यक्रममा स्थानीय कलाकारहरुले विभिन्न साँस्कृतिक प्रस्तुती देखाएका थिए ।