प्रथामिक उपचार दिवसमा दुप्चेश्वर माविमा नमूना अभ्यास

Posted on: September 09, 2018 | views: 272

गोकर्ण अधिकारी
२३ भदौ, नुवाकोट ।
विश्व प्रथामिक उपचार दिवस, मुलुकभर विभिन्न कार्यक्रम गरी मनाइएको छ ।


दिवसको अवशरमा भदौ २२ गते शनिबार दुप्चेश्वर गाँउपालिका वडा नं. ६ रामतीमा रहेको दुप्चेश्वर माध्यामिक विद्यालयमा प्रथामिक उपचारको नमूना अभ्यास सहित जनचेतनाको बृद्धि गर्दै मनाइएको छ । विद्यालयमा अध्ययनरत विद्यार्थी र रेडक्रस नुवाकोटका प्रथामिक उपचार तालीम प्राप्त स्वय सेवकहरुले सयुक्त रुपमा भूकम्प जाँदा उत्पन्न हुने संकटासन्न अबस्थाको नमूना प्रयोगात्मक अभ्यास गरी विद्यार्थी, शिक्षक र अभिभावकमा प्रथामिक उपचार सम्बन्धि सचेतना जगाइएको हो ।


रेडक्रस नुवाकोटका प्रथामिक उपचार तालीम प्राप्त स्वय सेवक मार्फत विद्यालयमा अध्ययनरत ४० जना विद्यार्थीलाई तालीम सहित विपद्को समयमा उद्धार र उपचारको लागी दक्ष बनाएको रेडक्रस नुवाकोट सभापति सुरतबहादुर चित्रकारले बताउनुभयो ।


कार्यक्रममा रेडक्रस सुमन्द्रटार शाखा सभापति बलराम आचार्यले दिवसको अवशमा गरिएको नमूना अभ्यासले विपद्को सामना धर्य गरी समयमा उद्धार र प्रथामिक उपचार पाएमा ठूलो क्षति पुर्याउनबाट बचाउन सकिने सन्देश दिएको बताउनुभयो ।


कार्यक्रममा रेडक्रस नुवाकोटका उपमन्त्री सिता तामाङ, उपकोषाध्यक्ष उद्धव शर्मा रिजाल, रेडक्रस नुवाकोटका प्रथामिक उपचार तालीम प्राप्त स्वयसेवक एव्म प्रशिक्षकहरु केशव सुवेदी, समुन्द्रबाबु अधिकारी, रमेश गिरी, कुमार पाठक लगायत प्रथामिक उपचार तालीम पाएका विद्यार्थीको सभागितामा भूकम्प गएको नमूना अभ्यास र त्यो समयमा घाइते भएकाहरुको प्रथामिक उपचारको पद्धति सिकाइएको थियो ।


जर्मन सहयोग नियोग जीआईजेडको सहयोगमा सञ्चालन भएको कार्यक्रममा प्रथामिक उपचार सम्बन्धि तालीम सहित दुप्चेश्वर मावि र गंगादेवी प्रथामिक विद्यालयमा प्रथामिक उपचार सामाग्रि समेत प्रदान गरिएको थियो । जिआर्ईजेडका प्रतिनिधि गोबद्र्धन सुनार ती सामाग्रिले विपद्को समयमा तथा विद्यार्थीलाई विद्यालयमा चोटपटक लागेमा उपचार गराउन सहयोग पुग्ने विश्वास गरिएको छ ।

गंगादेवी प्राविको लागी विव्यस अध्यक्ष रामबहादुर तामाङ र दुप्चेश्वर माविको लागी रेडक्रस समुन्द्रटार शाखा सभापति समेत रहनुभएका विद्यालयका शिक्षक बलराम आचार्यलाई रेडक्रसका जिल्ला सभापति सुरतबहादुर चित्रकारले प्रथामिक उपचारको लागी आवश्यक सामाग्रि प्रदान गर्नुभएको हो ।


नमूना अभ्यासले स्थानीय श्रोत र साधनको प्रयोग गरी सही रुपमा प्रथामिक उपचार सेवा उपलब्ध गराउन सकेमा गम्भीर अबस्थाको बिरामीलाई पनि मृत्युको मुखबाट बचाउनदेखि अङ्गभङ्ग हुनसक्ने अबस्थाबाट समेत बचाउन सकिने रेडक्रस नुवाकोटका उपकोषाध्यक्ष उद्धव शर्मा रिजालले बताउनुभयो ।


दिवसको अवशरमा दुप्चेश्वर माविमा अध्ययनरत नमूना अभ्यासमा सहभागी विद्यार्थीहरुले तालीमबाट सिकेको सिपलाई व्यवहारमा ल्याएर आगमी दिनमा हुने घटनाको लागी परिचालन हुन सहयोग पुगेको बताएका छन् ।