देब्रे घुँडा बिरामीको दाहिने अप्रेसन गर्ने यि डाक्टरले नेपाल मेडिकललाई पनि ढाँटे

Posted on: March 06, 2018 | views: 437

काठमाडौं ।

लापरवाहिपुर्वक उपचार गरेर देब्रेको घुँडाका बिरामीको दाहिने घुँडा अप्रेसन गर्ने नर्भिक इन्टरनेसनल हस्पिटलका डाक्टरले नेपाल मेडिकल काउन्सिललाई समेत ढाँटेका छन् । 

काउन्सिलले शल्यक्रियामा संलग्न चिकित्सकलाई बोलाएर सोधपुछ गर्दा उनीहरूले ‘बिरामी देब्रे घुँडाका लागि आएको त हो, तर हाम्रो नजरमा दायाँ घुँडामा समस्या देखिएकाले शल्यक्रिया गरेका हौं’ भनेर दाबी गरेका थिए । शल्यक्रियामा डा. प्रवीण नेपाल र डा. शैलेज रञ्जितकार संलग्न थिए । मुख्य जिम्मेवारी भने नेपालले लिएका थिए ।


चिप्लिएर खुट्टाको लिगामेन्ट च्यातिएका कारण अस्पताल भर्ना भएकी बिन्दु पौडेलको देब्रेको सट्टा दाहिने घुँडाको शल्यक्रिया गरिएको थियो । एमआरआई परीक्षणबाट देब्रे घुँडाको शल्यक्रिया गर्नुपर्ने देखिएपछि पौडेल उपचारका लागि चितवनबाट नर्भिकमा आएकी थिइन् ।


‘काउन्सिलबाट कारबाहीमा परिने डरले उनीहरूले सरासर ढाँट्दै अर्को घुँडामा बढी समस्या देखेर अप्रेसन गरेको गलत दाबी गरेका छन् ।


‘छानबिन तथा विज्ञको सुझावका आधारमा नर्भिक प्रकरणमा बुधबारको काउन्सिल पूर्ण बैठकले कारवाहीबारे निर्णय गर्ने बताएको छ ।


नर्भिकले यो प्रकरणमा पीडित पक्षसँग भूलवश गल्ती भएको स्वीकार गर्दै सम्पूर्ण उपचार खर्च बेहोर्ने र भविष्यमा कुनै जटिलता आए उपचार गरिदिने सहमति गरेको थियो ।