डबलीमा सञ्चालन गरिएको शिविरमा पाँच सय भन्दा बढीको स्वास्थ्य परीक्षण

Posted on: February 26, 2018 | views: 400


दुईपिपल/यहाँ आयोजित एक दिने स्वास्थ्य शिविरमा पाँच सय भन्दा बढीले परीक्षण गराएका छन् ।

लायन्स क्लब अफ काठमाडौ परोपकार, लियो क्लब अफ नुवाकोट परोपकार, लायन्स क्लब अफ काठमाडौ मनमैजु, लायन्स क्लब अफ काठमाडौ देउराली, लियो क्लब अफ काठमाडौ मनमैजु र लियो क्लब अफ काठमाडौ देउरालीको सयुक्त आयोजनामा बेलकोटगढी नगरपालिका वडा नं. ५ डबलीमा सञ्चालन भएको शिविरमा पाँच सय भन्दा बढीले परीक्षण गराएका छन् ।


शिविर मार्फत मुटुरोग, आँखा–कान–घाटी, प्रेसर, दाँत, हाडजोर्नी, स्त्रीरोग सम्बन्धि सेवा उपलल्ध गराइएको आयोजक लियो क्लब अफ नुवाकोट परोपकारका सचिव सुदाम लामिछानेले जानकारी दिनुभएको छ ।

जाँच गर्न आएका मध्ये झण्डै दुई सय जनाले मुटुको परीक्षण गराएका थिए । मुटु सम्बन्धि परीक्षणको लागी काठमाडौको गंगालाल मुटु अस्पतालका डाक्टरहरु अपूर्ब ठाकुर, डाक्टर रुपक प्रधान लगायतको चिकित्सकको टोली खटिएको थियो । शिविरमा बेलकोटगढी नगरपालिका वडा नं. ४, ५, ६ र ७ वडाका विभिन्न बस्तीबाट बालबालिकादेखि जेष्ठ नागरिकहरुको समेत सहभागिता रहेको थियो ।


शिविर सञ्चालनमा बेलकोटगढी नगरपालिका वडा नंं ५ को वडा कार्यालय लगायतका सँस्थाले सहयोग पु-याएका थिए ।