माघबाट नेपाल औषधि लिमिटेडका सिटामोल बजारमा

Posted on: December 26, 2017 | views: 257

काठमाडौं ।

नेपाल औषधि लिमिटेडले माघको दोश्रो सातासम्म सिटामोल उत्पादन गरि बजारमा लैजाने तयारी गरेको जनाएको छ ।

मंगलवार काठमाडौमा आयोजना गरेको पत्रकार सम्मेलनमा लिमिटेडका महाप्रबन्धक डा.रोभस कुसुम सुवेदीले सिटामोल उत्पादनका लागि कच्चा पदार्थको आयात, प्याकेजिङ तथा वितरणका लागि बोलपत्र आह्वान लगायतका ९० प्रतिशत काम सम्पन्न भएको जानकारी दिनुभयो । 

औषधिमा आत्मनिर्भर बन्ने उद्देश्यले २०२९ सालमा स्थापना भएको सरकारको पूर्ण स्वामित्वमा रहेको नेपाल औषधि लिमिटेडले २०६० सालसम्म १ सय २० प्रकारका औषधि उत्पादन गर्दे आएको थियो ।

तर विश्व स्वास्थ्य संगठनको मापदण्ड (जिएमएफ) पुरा गर्न नसक्दा २०६७ सालमा बन्द भएको थियो । सरकारले गत बर्षबाट लिमिटेडलाई पुन संचालन गर्दै आएको छ ।