डेगुं नियन्त्रणका लागि ‘खोजी र नष्ट’ कार्यक्रम सञ्चालन

Posted on: October 04, 2017 | views: 218

महोत्तरी ।

महोत्तरीको बर्दिवास नगरपालिकामा ३९ जनामा डेगुं रोग देखा परेपछि स्वास्थ्य टोलीले बर्दिवासमा आज ‘खोजी र नष्ट’ कार्यक्रम सञ्चालन गरेको छ । 


बर्दिवासमा डेगुं देखा परेपछि जिल्ला स्वास्थ्य कार्यालय महोत्तरीको टोली, स्थानीय निकाय, प्रहरी, नेपाली सेना, सशस्त्र प्रहरी लगायतको टोली मिलेर  ‘खोजी र नष्ट’ कार्यक्रम सञ्चालन गरेको जिल्ला स्वास्थ्य कार्यालय महोत्तरीका प्रमुख डाक्टर नागेन्द्र यादवले जानकारी दिनुभयो । 


डेगुं ज्वरो रोगको प्रकोप रोकथाम तथा नियन्त्रण अन्र्तगत बजार क्षेत्रमा पानी राख्ने भाडा, ट्यांकी, खाल्डाखुल्डी पुर्ने र पानीमा लामखुट्टेको बसाई रहेनरहेको हेरी नष्ट गर्ने कार्यक्रम सञ्चालन गरिएको उहाँले जानकारी दिनुभयो ।