धन्यवाद दिंदा जापानीले भने 'अन्य देशले सहयोग लिन्छ मात्र नेपालीको बिशेषता आज थाहा पायौं'

Posted on: May 30, 2016 | views: 2817

गोकर्ण अधिकारी-१७ जेठ, टोकियो ।

पुरै जापानमा नभएपनि जापान पुरैलाई समेट्नेगरि मुख्य शहर केन्द्रित गरेर जापानभर हिजो नेपालीहरुले नेपाललाई गरेको सहयोगको लागि जापानीहरुलाई धन्यवाद दिए ।

सडक किनार छेउ उभिएर राजदूत देखी भवन भट्ट लगायत विशिष्ट व्यक्ति समेतको उपस्थितिमा नेपाली मौलिक पहिरन लगाएर उभिएका नेपालीहरुले भूकम्पका समयमा नेपाललाई गरेको सहयोगको लागि धन्यवाद धन्दै नेपाल भ्रमणको निम्तो समेत बाँडे ।

कुनै वस्तु वा सेवाको प्रचारको लागि मात्रै जापानमा यसरी सडकमा उभिएर चिरासी पोष्टर पाम्प्लेट बाँड्ने गरेको देखेका जापानी नागरिकहरु धन्यवाद दिंदै उभिएका नेपाली देखेर सुरुमा केही अकमक्कीए ।

जापानका लागि कार्यवाहक नेपाली कार्यवाहक राजदूत गहेन्द्रराज राजभण्डारी भन्नुहुन्छ-'सहयोग लिएर पनि धन्यवाद दिने नेपाली संस्कृति देखेर जापानीहरुले खुशी हुँदै भावना साटे ।' राजदूत भण्डारीले धन्यवाद कार्यक्रमको अनुभव सुनाउँदै टपनेपालन्युजडटकमसँगको कुराकानीमा भन्नुभयो-'धन्यवाद दिनकै लागि भनेर यति ठूलो कार्यक्रम गरेकोमा सुरुमा अचम्म माने, कति जापानी नेपाली मौलिकता देखेर आकर्षित भए भने कतिले नेपाल र जापान असल मित्र देश भएको भन्दै जापान र नेपाल एकै देश जस्तो भएको समेत बताए ।'


हेर्दा सामान्य जस्तो देखिएपनि जापानभर गरिएको धन्यवाद कार्यक्रमको असर पछिसम्म पर्ने र यसले नेपालको पर्यटनसँगै जापानमा रहेका नेपालीहरुको छवि र सम्मानमा समेत सकारात्मक हुने कावा राजदूत गहेन्द्रराज राजभण्डारीको ठम्याइ छ ।

जापानी सञ्चारमाध्यम र जापानी जनजीवनसँग जानकार जिज्ञान कुमार थापाको अनुभव पनि उस्तै छ । थापा भन्नुहुन्छ-'हामीले दिएको धन्यवादको यतिधेरै प्रभाव पर्छ भन्ने सोचेकै थिएनौं ।'


गैर आवासिय नेपाली संघ एनआरएन जापानका सल्लाहकार समेत रहनुभएका थापा भन्नुहुन्छ-'जापानीहरुले अहिलेसम्म पैसा उठाउन मात्र बिदेशीले यसरी कार्यक्रम गरेको थाहा पाएको धन्यवाद दिनकै लागि मात्र कार्यक्रम गरेको कहिल्यै नसुनेको बताएका थिए ।'

धर्म प्रचार देखी पैसा माग्ने भ्रम छिनभरमै फेरियो नेपाल प्रेममा
धन्यवाद सहित नेपाल भ्रमणको निम्तो दिंदै बाँडीएको पोष्टकार्ड पाएपछि अजुसा उसिओले सामाजिक सञ्जाल ट्विटरमा लेखेकि छिन्-'जापानबासी नेपालीहरुले गरेको कार्यक्रम हेर्न सिन्जुकु गए। पोहोर सालको नेपालमा गएको भुकम्पमा जापानीहरुले गरेको सहयोग ६० करोड। त्यसको लागी धन्यवाद दिदैँ कुमामोतोमा गएर नेपाली खाना पनि खुवाएका थिए रे । अनि आज हिमालको तस्विर भएको पोस्टकार्ड दिदै जापानको २८ ठाउमा धन्यवाद दिनुभयो ।'

धन्यवाद सहित नेपाल भ्रमणको निम्तो सहित दिएको पोष्टकार्डको फोटो सहित ट्वीटरमा कावासाले लेखेका छन्-'सिबुयामा यो पाए। २०१५ साल अप्रिलमा गएको भुकम्पको बेला, जापानीहरुले गरेको आत्मिय सहयोग हामी कहिले पनि बिर्सदैनौ भनेर जापानबासि सम्पुर्ण नेपालीहरुको तर्फबाट नेपाल जाऊ भन्ने सन्देस र नेपालमा तपाइलाइ स्वागत गर्दछौ भन्नुभएको छ ।'

नेपालीले दिएको पोष्टकार्ड राख्दै ट्वीटरमा जोउटा नाम भएका अर्काले लेखेका छन्-'सिन्जुकुतिर नेपालको मानिसहरुले पोहोरसालको भूकम्पको सहयोगको लागि धन्यवाद भनेर यो दिनुभयो ।'

पोष्टकार्डमा लेखिएपनि मनास्लु हिमालको तस्विरमा झुक्किएका अर्का एक जापानीले सगरमाथा नेपालमा पर्छ भन्ने ज्ञान भएर होला-'धन्यवाद जापान भनेर एभरेष्टको तस्विर भन्दै पोष्टकार्डको फोटो राखेका छन् ।'
यो प्रतिक्रिया हेर्दा तस्विरमा जापानी भाषामा पनि नाम लखिनुपर्ने रहेछ भन्ने झल्काएको छ ।

यस्तै इरिका नाम गरेकी युवतीले-'आज इकेबुकुरोमा धेरै नेपालीहरुले यो बाड्नु भयो भन्दै अगाडी लेखेकी छिन् शुरुमा त के धर्म फैलाउन आएको हो कि भनेर नहेरि हिँडेको, धन्यवाद जापान भनेर लेखेको रहेछ । त्यो देखेर पोष्टकार्ड लिएर आएं मलाई एकदमै खुशी लाग्यो ।'


नेपाली भाषामा नै ट्विटरमा हारुका नाम राखेकी जापानी युवतीले धन्यवाद जापान कार्यक्रममा आफुले पनि सहभागीता जनाएको भन्दै लेखेकी छिन्-'आसागायामा भाग लिएको । म जस्तो नेपाल मन पराउने जापानीहरु १ जना भएनि बडुन् भन्ने चाहना छ । थोरै भएपनि जापानीहरुले नेपालमा रुची राखुन् । मनैदेखी नै त्यो चाहन्छु । र कार्यक्रम एकदम आत्मियताले भरिपुर्ण थियो । भाग लिन पाएर खुशी लागेको छ । बोलाउने दाइलाई धन्यवाद ।'


धर्म प्रचार मात्र हैन सुरुमा पैसा उठाउन लागेको भन्ने भ्रम परेपनि पछी खुशी लागेको बताउँदै ट्विटरमा नै सो कुमागी लेख्छिन्-'फेरी कुनचाहिले पैसा उठाउन लाग्यो भनेको त। बिदेशीहरुले बाडेको यो पोस्टकार्ड। सिनज्युकुमा पाएको। यो राम्रो काम हुनुपर्छ भनेर सबलाइ टुइटर मार्फत सेयर गर्न चाहन्छू। नेपाल जापान आरिगातो।'

बिबि नाम गरेकी अर्की एक जापानी युवतीले अरुलाई समेत हेर्न अनुरोध गर्दै समाचार र फोटो सहितको लिंक राखेर भनेकी छिन्-'हेर्नु हेर्नु । सेन्दाइ स्टेशनको हिगासिगुचीमा नेपालको मान्छेले अस्तिनको भुकम्पको सहयोगको लागि धन्यवाद भनेर दिएको आरिगातो जापान रे । स्वागत छ ।'

माया मासेउनाममा समेत आरिगात्तो जापान भनेर पोष्टकार्ड राखेको पाइएको छ ।

यस बाहेक सामाजिक सञ्जाल ट्विटर र फेसबुकमा धेरै जापानीहरुले मर्मस्पर्शी प्रतिक्रिया सहित धन्यवाद दिएका नेपालीहरुप्रति आभार व्यक्त गरेको पाईएको छ ।

जापानीहरुका त्यस्ता केही रोचक प्रतिक्रियाहरु यहाँ बुँदागत रुपमा राखिएको छ

-नागानोको माचुमोतोमा पाएको पोस्टकार्ड। धन्यवाद नेपाल।

-पैसा उठाउन होइन धन्यवाद दिन आएको रे।नेपालीहरुको सस्कृतिको गहिराइमा एकछिन  डुब्ने अनुभव भयो।

-हाम्रो नजिक पनि नेपाली रेष्टुरेन्ट छ। छिरेको त छैन तर यो पोस्टकार्ड लिएर जाने बिचार गरें।

-सोच्न त सबैले सोच्छन तर जापान भरि यस्तो बृहत कार्यक्रम गर्न सक्नु जापानको नेपाली समुदायको बिशेषता हो।

-एशियाकै अन्य देशले जापानको सहयोग लिन्छ मात्र। ति राष्ट्रलाइ यो कुरा सुनाइदिनु पर्ने। लाजले रातो हुन्थेहोलान।

-यो गर्मीबिदामा कुनदेशजाने भन्ने कुराको निर्णय गर्न आजको कार्यक्रम काफि भयो । चिकिन करि दालभात तरकारी अचार खान मन लागेर आयो।

-धन्यवाद दिन अझै छिटो भयोकि, नेपालमा पनि कुमामोतोमा पनि भुकम्पको पिडा सकेको छैन ।

भाषानुवाद तथा सामग्री संकलन सहयोगमा श्री जिज्ञान कुमार थापा

थप समाचार पढ्न तलको लिंकमा क्लिक गर्नुहोस्

जापानभर धन्यवाद सहित नेपाल भ्रमणको निम्तो बाँडीयो (फोटो फिचर/भिडियो)