1. मुख्य पृष्ठ
2. फिचर

लोकप्रिय रेडियोकर्मी मात्र थिएनन् यस्ता गितका गायक पनि थिए मुनाल

Posted on: September 29, 2017 | views: 3971

---

काठमाडौं ।

रेडियो नेपालको बाल कार्यक्रममार्फत बालबालिका बिच प्रस्तुत हुने पुराना रेडियो प्रस्तोता बासुदेव मुनाल अब हामीमाझ रहनु भएन ।

रेडियो नेपालबाट हरेक दिन साँझ साँढे पाँच बज्ने यो कार्यक्रम बालबाटिकामा प्यारा दाजुका रुपमा रहनुभएका बासुदेव मुनालले कार्यक्रममार्फत ‘आओ मेरा प्यारा भाइबैनी हो, रेडियो नजिक आओ ।’ भन्दा धेरै बालबालिकाहरु कार्यक्रम सुन्न निक्कै लालयित हुन्थे । 

बासुदेव मुनालका ‘भए पनि ठीकै, नभए पनि ठीकै, पानी खाने निउंले तिम्रो घरमा आउँला, लालुपाते फुलेर लाल भयो, बाँसुरीको धुनमा मादलुको तालमा, झम झम इष्टकोट जस्ता थुप्रै गीतहरु चर्चित छन् ।

घाँटीको क्यान्सरले बिरामी पर्नुभएका बासुदेव मुनाल विगत केही समयदेखि उपचाररत हुनुहन्थ्यो । उहाँको उपचारकै क्रममा भक्तपुर क्यान्सर अस्पतालमा बिहीबार बेलुका निधन भएको हो । 

पारिवारिक श्रोतका अनुसार ११ वर्षअघि उहाँको लडेर ब्रेन ह्याम्ब्रेज समेत भएको थियो । 

विराटनगरमा बि.सं. २००६ सालमा जन्मिनु भएका मुनालले रेडियो नेपालमा ४ दशक बिताउनुभएको थियो । 

स्व।बासुदेव मुनालको भौतिक शरिर हामीमाझ नभए पनि सञ्चार क्षेत्रमा उहाँको योगदानलाई नेपालीले सदा सम्झी रहने छ । 

---