स्व.क्षेत्रीको ‘रातोडोली’ सार्वजनिक

Posted on: April 18, 2017 | views: 656

बैशाख ४, नुवाकोट । स्वर्गीय पत्रकार एंव गीतकार सूर्यकुमार क्षेत्रीको शब्दमा रहेको ‘रातो डोली’ बोलको लोकगित बजारमा आएको छ । स्व.क्षेत्रीले सन्सार छाडेर गएपनि उनको शव्दमा रहेको पञ्चेबाजामा आधारित रातो डोली लोकदोहारी गीत कलाकारहरु लेखनाथ आचार्य र पूजा गुरुङको स्वरमा बजारमा ल्याइएको छ ।

२०७३ बैशाख १६ गते ब्रेन ट्युमरको कारण निधन भएका क्षेत्रीको शव्दमा रहेको गितमाा बिमलराज क्षेत्रीले लय दिएका छन् । स्व.क्षेत्रीको शब्दमा रहेको अन्तिम लोकगित रातो डोलीलाई उज्यालो म्युजिक प्रालि, काठमाडौले बजारमा ल्याएको हो ।

पञ्चेबाजाको संगीतमा रहेको रातो डोली बोलको गितले प्रेमीप्रेमिकाको मायालाई बिबाहमा परिणत गर्न नसके पनि बाचुन्जेल मनमा राख्न सकिन्छ भन्ने उदाहरण दिन खोजिएको गितमा स्वर दिएका कलाकार लेखनाथ आचार्यले बताए ।

कुशल सञ्चारकर्मी तथा चर्चित लोक कलाकार क्षेत्रीले सन्सार छाडेर गएपनि उनको स्वरमा रहेको “धानको सिरौला, दुख पर्दा लाएको गुनैको पैचो तिरौला” “बादलुले चन्द्र छेकेको”, “धोका दिनेलाई के भनौ र खै”, “डाली पलायो तर, माया पलाएन”, “उडी जाने जेट” लगायतका दोहोरी गीत चर्चित रहेका छन् ।