लेखनाथ आचार्य र लक्ष्मी मल्लको स्वरमा काठे गीत “कान्छीबुढी"

Posted on: March 08, 2017 | views: 1224

गीत सँगीतलाई भाषा, क्षेत्र, पेशा र ब्यक्तिले कुनै फरक पार्न सक्दैन । गाउन सक्ने कला र गला भए पछी कलाकारले जुन क्षेत्रको गीत पनि गाउन सक्दछ भन्ने गायक लेखनाथ आचार्यले प्रमाणित गरी दिएका छन । आफु अर्घाखाँचीमा जन्मिएर पनि पश्चिमी भाका नगाएर काठे भाकाको गीत गाएर जो जहा जन्मिए पनि अर्को क्षेत्रको फरक शैलीका गीत पनि गाउन सक्नु पर्दछ भनेर सन्देश दिएका छन । पश्चिम क्षेत्रको गीत गाएर रम्ने र रमाउने गायक लेखनाथ आचार्य पेशाले नेपाल सरकारका जागिरे अर्थात “सेवा नै धर्म हो” लाई मुलमन्त्र ठानी जनताको सेवा र सुरक्षामा दिन रात खट्ने,  देश र जनताको सेवक प्र. ना. नी. (पुलिसका सई) हुन । गीत सँगीतमा लाग्नको लागी पेशाले रोक्दैन भन्ने उदाहरण पनि हुन लेखनाथ आचार्य ।


बहु-बिबाहलाई बिषय बस्तु बनाएर लेखिएका सब्दहरू चर्चित गायक तथा मर्मस्पर्शी सब्द सँकलक बाबुराम पन्थीले सृजनात्मक तरिकाले मन छुने र समाजमा घट्ने यथार्थ घट्नाहरूलाई टपक्क टिपेका छन । जसलाई सँगीत मार्फत लेखनाथ आचार्यले जिवन्त बनाएका छन । यस कान्छी बुडी बोलको गीतलाई गायक लेखनाथ आचार्यले गाएका छन भने लोक दोहोरी क्षेत्रकी काठे गायिकाको साथ साथै पश्चिमी गीतमा पनि आफ्नो पकड बनाउन सफल सेल्फी गायिका लक्ष्मी मल्लले गायकी छन । गायिका लक्ष्मी मल्लको सँगितकार श्रीकृष्ण बम मल्लसंगको बैबाहिक बन्धन पश्चात अर्थात धेरै समय पछीको काठे गितमा पुनरागमन नै हो । यस कान्छी बुडी गीतमा लक्ष्मीको श्वरको जादु त छचल्किएको नै छ साथमा पश्चिमको संस्कृतिमा हुर्किएको लेखनाथ आचार्यले पनि काठे गीतमा आफ्नो स्वरको जादु छोडेका छन ।


प्रसान्ती डिजिटलले बजार ब्यबस्थापन गरेको यस कान्छी बुडी गीतको म्युजिक भिडियोलाई चर्चित निर्देशक कुमार के.सी.ले निर्देशन गरेका हुन । यस भिडियोमा गोपाल ढकाल (छन्दे) मालती घले र नुमा घलेले अभिनय गरेका छन । छायाँकन अजय रेग्मीले गरेका छन भने भिडियो सम्पादन अनुप सिवाकोटीले गरेका छन । म्युजिक भिडियोको श्रब्य दृश्य निर्माण मन्जुश्री फिल्मस् प्रा.लि.ले गरेको हो ।



बहु-बिबाहबाट हुने हानी र ब्यहोर्नु पर्ने समस्यालाई सन्देश मुलक तरिकाले बाबुराम पन्थीको सब्द लेखनबाट वास्तविक घट्नालाई टपक्कै टिपेर सब्दसंगै लेखनाथले सँकलन गरेको लयमा भरी दिएका छन भने गायक लेखनाथ आचार्यको काठे भाकामा स्वर राम्रो सुनिएको छ, काठे गीत पनि राम्रो गाउन सक्छ भनेर प्रमाण पेश गरेका छन । साथै सेल्फी गायिका लक्ष्मी मल्लले आफु जन्मेको ठाउको काठे संस्कृतिलाई बिर्सिएको छैन त्यसैले मौका मिले हिजो जस्तै आज पनि गाउन सक्छिन भनेर केही बर्षको अन्तराल पश्चात आफ्नो हक दाबी गर्न सफल भएकी छन । “कान्छी बुडी” बोलको गीत समग्रमा राम्रो बनेको छ ।