शाहरुख र ऋतिकको रईस र काबिल अनलाइनमै छ्यापछ्याप्ती

Posted on: January 28, 2017 | views: 1140

काठमाडौं ।
बलिउडमा सर्वाधिक रुचाइएका सुपरस्टार ऋतिक रोसन र शाहरुख खानको चलचित्र काबिल र रईसले बक्स अफिसमा एकसाथ राम्रो व्यापार गरिरहेका छन् ।

सँगै प्रदर्शन सहित प्रतिस्पर्धा झेलिरहेको यि चलचित्रहरु दर्जनौं अनलाइनहरुमा लिक भएपछि यसको अन्र्तराष्टियसँगै भारतमा समेत व्यापारमा केही असर पर्न गएको छ ।

एक दृष्टिविहीन जोडीको कथामा आधारित ऋतिकको काबिलसँग गुजरातमा हुने ठूला रक्सी व्यापारको राजनीतिक सम्वन्ध र अपराधको रईस दुवै अनलाइनहरुमा पाइन्छ ।

चलचित्र ‘काबिल’मा ऋतिकसँगै यामी गौतम मूख्य पात्रमा छिन् भने शाहरुखको ‘रईस’ मा पाकिस्तानी कलाकार माहिरा खान देखिएकी छन् जसमा नवाजउद्दीन सिद्दिकीको पनि महत्वपूर्ण भूमिका रहेको छ ।

गुगलमा चलचित्रको नाम र अनलाईन फ्रि मुभि भनेर खोज्दा विभिन्न अनलाइनमा भेटिने चलचित्र दर्जनौंपटक कपिराइट भएर हटाइएपनि केही घण्टामै पुन अन्य अनलाईनहरुमा राखेको पाइन्छ ।