शहरको अर्गानिक प्रेम कथा चलचित्र ‘लभ सासा’ फेब्रुवरी ५ टोकियोमा प्रदर्शन

Posted on: January 22, 2017 | views: 912

जापान ।
दुई मूख्य शहर काठमाडौं र पोखराको जिवन र प्रेम कथाको चलचित्र लभ सासा आउँदो फेब्रुवरी ५ तारिखमा जापानमा प्रदर्शन हुने भएको छ ।

जापानमा सफल नेपाली चलचित्र प्रदर्शन गर्दै आएको टोकियो ड्रिम्स इन्टरनेनिमेन्टले लभ सासालाई टोकियोमा प्रदर्शन गर्न लागेको हो ।

प्रेम दिवसको पूर्व सन्ध्या पारेर आयोजकले प्रेम चलचित्र लभ सासा प्रदर्शन सँगै प्रेम जोडीलाई विशेष अफर समेत राखेको छ ।

आयोजकले दिएको जानकारी अनुसार मेगुरो कुमिन सेन्टरमा फेब्रुवरी ५ आइतबार साँझ ५:३० बजेबाट प्रदर्शन हुने चलचित्रको टिकट मुल्य २५ सय रहेको छ ।


तर जोडिमा चलचित्र हेर्न चाहनेको लागि भने मात्र ४ हजार येनमा दुई टिकट उपलब्ध गराइने बताइएको छ ।

चोटिला र सटिक संवाद सँगै प्रेम भित्र गरिने रियल संवाद र वानि व्यवहारलाई जस्ताको तस्तै उतारिएको बताइन्छ ।

चलचित्रमा लोकप्रिय नायिका केकी अधिकारी सँगै कर्म शाक्य, ऋचा शर्मा, असिफ शार्ह लगायत कलाकारको मूख्य भुमिका रहेको छ ।

माधव वाग्लेको निर्माणमा बनेको चलचित्र लभ सासालाई युवा निर्देशक प्रचण्डमान श्रेष्ठले निर्देशन गरेका हुन् ।