प्रवासबाट राजिबको 'एक मायाँ देशको लागि...' (भिडियो सहित)

Posted on: December 02, 2016 | views: 767

टोकियो ।
जापानलाई कर्मभूमि बनाउँदै आएका राजिब लामाले आफ्नो दोस्रो गित एक मायाँ देशको लागि ल्याएका छन् ।

म्यूजिक भिडियो सहित 'द होल वर्ड, वन लभ फर द देशन...' बोलको गितमा गायक राजिब आफैं पनि देखीएका छन् ।



जापान नागोयामा बस्दै आएका राजिबको यो म्यूजिक भिडियोमा बिशेष पाण्डे र मार्क दिपबिमको राम्रो निर्देशन देख्न सकिन्छ ।

सबैको आ आफ्नै लक्ष्य र सपना हुन्छ भन्ने सन्देश सहित सडक बालबालिकाहरुले राखेको सपना र पाएको सफलतालाई कलात्मक ढंगले प्रस्तुत गरिएको भिडियोभने नेपालमा गरिएको छ ।

काठमाडौंको बसन्तपुर, ठमेल, चोभार लगाएत ठाउँमा लिएका दृश्य मार्फत लक्ष्य राखेर अघि बढे सफलता पाइन्छ भन्ने देखाउन खोजिएको छ ।

सबैमा देश प्रेमको भावना हुन्छ भन्ने कुरा समेत देखाउन खोजिएको भिडियोमा प्रवासमा रहेर पनि नेपाली गित संगितमा लाग्दै आएका राजिबले नेपाल गएको समयमा भिडियो छायांकन गरिएको जानकारी दिए ।



भिडियोमा राजिव लामा सँगै ब्याटल फ्युजन बिबोय ग्रुपले अभिनय गरेका छन् ।

जापानमा हुने गरेका विभिन्न सांस्कृतिक कार्यक्रमहरुमा सहभागीता जनाउँदै आएका गायक राजिवले यसअघि आफुले ल्याएको जाउँ जाउँ साथि रेलैमा जस्तै सबैतिरबाट सकारात्मक प्रतिक्रिया आइरहेको भन्दै गित हेरेर आफुलाई प्रतिक्रिया दिन आग्रह समेत गरेका छन् ।