हाउसफुल छक्का पञ्जा आईतवार टोकियो र सिजुओकामा प्रदर्शन, ओकिनावामा निशुल्क

Posted on: November 19, 2016 | views: 472

टोकियो ।
पहिलो प्रदर्शन हाउसफुल भएपनि माग बढेपछि चलचित्र छक्का पञ्जा जापानको राजधानी टोकियोमा भोली आइतबार पुन प्रदर्शन हुने भएको छ ।

टोकियो मेगुरो कुमिन सेन्टरमा भोली आईतवार नोवेम्वर २० तारिकका दिन साँझ ६ बजे दोश्रो प्रर्दशन हुन लागेको हो ।

जापानमा चलचित्र प्रदर्शनको अधिकार पाएको लाखे ईन्टरटेनमेन्टका अनुसार चलचित्र प्रदर्शनको अधिकाशं टिकट बुकिंग भइसकेको छ ।

चलचित्र फुकुओका, ओशाका, टोकियो र नागोयामा यसअघिनै एक शो प्रदर्शन भइसकेको छ ।

छक्का पञ्जा सिजुओकामा पुरस्कार सहित चलचित्र प्रर्दशन हुन लागेको छ । सेभेन सामुराइ इन्टरनेसनलको संयोजनमा हुन लागेको चलचित्रको प्रदर्शनको तयारी पुरा भएको बताइएको छ ।

रोउसे खाईकान सिजुओकामा भोली नोभेम्बर २० तारिख आईतवार दिउँसो २ बजे चलचित्र प्रदर्शन हुँदैछ ।

चलचित्र हेर्न आउने दर्शकहरु मध्ये २ जनालाई हिमालयन मार्टले उपहार प्रदान बताइएको छ ।

यस्तै आगामी नोवेम्वर ३० तारिक ओकिनावामा प्रर्दशन हुने चलचित्र छक्कापञ्जा भने निशुल्क हेर्ने व्यवस्था मिलाईएको आयोजक क्युएस रेमिट जापानले जनाएको छ ।