बहुप्रतिक्षित चलचित्र 'पुरानो डुंगा' जापानमा प्रदर्शन हुँदै

Posted on: November 07, 2016 | views: 820

२२ कार्तिक, टोकियो ।
नेपाली चलचित्रको ईतिहाँसमा दुई सफल सिक्वेल मुभि बनाएका निर्देशक रामबाबु गुरुङको नयाँ चलचित्र पुरानो डुंगा नेपालमा प्रदर्शन अघि नै जापानमा प्रदर्शनको मिति तोकिएको छ ।

चर्चित चलचित्र 'कबड्डी' र 'कबड्डी-कबड्डी' बनाएका निर्देशक रामबाबुको पोखरा ताल किनारका दुई दाजुभाईको मौलिक कथा समेटिएको पुरानो डुंगा नेपालमा मल्टिफ्लेक्स सहित देशभरका चलचित्रघरहरुमा मंसिर १० गतेबाट प्रदर्शन हुँदैछ भने जापानमा १८ डिसेम्वरमा दिन दुई शो हुने भएको छ ।

चलचित्र जापानको राजधानी टोकियोको मेगुरोमा रहेको मेगुरो कुमिन सेन्टरमा १८ डिसेम्बरका दिन पहिलो दिउँसो २ बजे र दोस्रो ६ बजेबाट हुने भएको छ ।

टोक्यो ड्म्सि इन्टरटेनमेन्टका अनुसार चलचित्रको टिकट बुकिंग खुल्ला भइसकेको छ । यसअघि समेत जापानमा पहिलो पटक सिटसँख्या भन्दा दुईगुणा बढी दर्शक आएर फर्कीनुपरेको रामबाबुकै निर्देशनको कबड्डी कबड्डीलाई जापानमा प्रदर्शन गर्नुभएका अन्जु श्रेष्ठका अनुसार चलचित्रको टिकट बुकिंग अर्डन आउन थालिसकेको छ ।

टोक्यो बाहेकका अन्य शहरमा समेत प्रदर्शनको लागि अनुरोध आइरहेको भन्दै श्रेष्ठले टोकियोमा हुने शोको टिकटको लागि समयमै सम्पर्क गरेर टिकट सुरक्षित राख्न अनुरोध समेत गर्नुभयो ।
टिकट बुकिंगको लागि तल उल्लेखित नम्वरहरुमा सम्पर्क गर्न सकिने बताइएको छ ।

डुंगा चलाएर जीविकोपार्जन गरेको एक परिवारको अंशबन्डा हुँदा भाइले डुंगा लगिदिएपछि परिवारलाई पर्ने समस्याको विषयमा चलचित्रको मुल कथा समेटिएको छ ।
 
सिनेमा आर्ट र माओत्से गुरुङ फिल्म्सको ब्यानरमा बनेको चलचित्रमा दयाहाङ राई, प्रियंका कार्की, माओत्से गुरुङ, मेनुका प्रधान, बुद्धि तामाङ, पुष्कर गुरुङलगायतका कलाकारहरुको बेजोड अभिनय रहेको छ ।

माओत्सेको मूलधारको चलचित्रमा पहिलोपटक कथा लेखेका हुन् भने कथामा रामबाबु गुरुङ र उपेन्द्र सुब्बाले चलचित्र कोरेका हुन् ।
 
चलचित्रमा चर्चीत संगितकार कालीप्रसाद बाँस्कोटाको गीतसंगीत रहेको छ भने रोहित शाक्यको पाश्र्वसंगीत रहेको छ ।

शैलेन्द्र डी कार्कीले खिचेको चलचित्रको निर्मातामा रौनकविक्रम कँडेल, ओमचन्द्र रौनियार र धनबहादुर गुरुङ रहेका छन् ।

फिल्म आर्ट र माओत्से गुरुङ फिल्मस् प्रालिको ब्यानरमा निर्माण भएको यो फिल्ममा मेनुका प्रधानको पनि अभिनय रहेको छ ।

सामान्य कथाबस्तुलाई फरक धारमा राखेर चलचित्र मौलिक कथाबस्तुसँगै पोखरा र आसपासका सुन्दर दृश्य समेटेर चलचित्र बनेको निर्देशक गुरुङले बताएका छन् ।
कबड्डी र कबड्डी कबड्डी जस्तो सफल चलचित्र बनाईसकेका रामबाबुले फेरी पनि उही नाम राखेर चलचित्र बनाउँदा नयाँ नाम र कथामा नसक्ने हो कि भनेर गाल पर्ने हुनाले आफुले नयाँ परिवेशमा मौलिक नेपाली कथा समेटेको चलचित्र बनाएको बताएका छन् । चलचित्रको एक गित आज काठमाडौंमा एक कार्यक्रमका बिच सार्वजनिक हुँदैछ ।

निरा जैले रिसाउने निरा जैले हँसाउने बोलको गितबाटै लोकप्रिय बनिरहेको यो गित मात्रै सामाजिक सञ्जाल युट्युवमा करिव ४९ लाख पटक हेरिसकिएको छ । यस्तै फिलिमको टेलर समेत करिव ६ लाख पटक हेरिएको छ ।

BOOKING OPEN !!
For more details and information, plz contact :080-4355-5258, 080-3594-0800, 080-7698-7075 or go to page Tokyo Dreams Entertainment !!

'PURANO DUNGA'
18th dec / 1st show 14:00, 2nd show 18:00 Meguro Kumin Center Hall !