साहिल भन्छन्-'तिम्रो मनमा मेरो लागि कुनै दिन माया पलाउनेछ' (भिडियो सहित)

Posted on: September 29, 2016 | views: 744

काठमाडौं ।
आफ्नो दोस्रो एल्बमको तयारीमा रहेका युवा पप गायक साहिल खड्काले तिम्रो मनमा बोलको नयाँ गित भिडियो सहित सार्वजनिक गरेका छन् ।

अष्ट्रेलियामा छायांकन गरिएको गितको भिडियोमा सम्झना तामाङ र केदार बरुवालको उत्कृष्ठ अभिनय देख्न सकिन्छ । भिडियोमा गायककै रुपमा साहिललाई पनि आक्कलझुक्कल देखाइएको छ ।

पहिलो एल्बम 'प्रियसी' को सफलता पछि 'प्रियसी २' एल्बमको तयारीमा रहेका साहिलका अनुसार तिम्रो मनमा बोलको यो गित प्रियसी एल्ममा समावेश एक गित हो ।

तिम्रो मनमा बोलको गितको शब्द रचना र संगीत साहिल आफैंले भरेका हुन् । जुन गितको शब्द र संगितमा साहिलको आफ्नो कुशलता देखाएका छन् ।

संगीत संयोजन टंक बुढाथोकीको रहेको गितमा प्रेमीको एकतर्फी मायाँलाई गरिएको वेवास्ता र बिछोडको पिडा र सम्झनालाई देखाउन खोजिएको छ ।



भिडियोलाई सन्तोष गुरुङले निर्देशन गरेका हुन् भने सन्तोष र अनिल के मानन्धरले छायांकन गरेको भिडियोको सम्पादन सिलन लम्सालले गरेका हुन् ।

म्याग्दी घर भएका साहिल राजधानीमा रहेर नेपाली संगित क्षेत्रमा क्रियाशिल छन् । प्रियसी २ एल्बममा ४ गित समावेशको तयारी गरिरहेका साहिलले बाँकी तिन गितको पनि भिडियोको सोच बनाएका छन् ।