जापानमा 'कालो पोथी'को सफल प्रदर्शन पछि 'झुक्की'को मिति तय

Posted on: September 26, 2016 | views: 451


९ असोज, टोकियो ।
ओस्कार नेपालबाट मनोनित चलचित्र कालो पोथीको जापानमा सफल प्रदर्शन गरिएको छ ।

राजधानी टोकियोको नाकानो स्थित नाकानो जिरो हलमा आइतबार चलचित्र कालो पोथीको प्रदर्शन गरिएको छ ।

चलचित्र प्रदर्शन पछि उपस्थित दर्शकहरुले चलचित्र कुनै फिल्मि कथा भन्दा १० बर्षे युद्धको समयमो मुगुको वास्तविक कथा जस्ताको तस्तै उतारको प्रतिक्रिया दिएका छन् ।

जापानमा प्रदर्शनको अधिकार पाएको टोक्यो ड्रिम्स ईन्टरटेन्मेन्टले कालो पोथी प्रदर्शन पछि अर्को बहुप्रतिक्षित बनेको दयाहागं राई अभिनित चलचित्र झुम्किको प्रदर्शन मिति घोषणा गरेको छ ।

अपिल विस्ट फिल्म प्रोडक्सनमा बनेको चलचित्रलाई सिनेमा आर्टले निर्माण गरेको हो । चलचित्रमा दयाहांग सँगै नायिका रेश्मा गुरुगंको अभिनय रहेको छ ।

चलचित्र झुम्कि राजधानी टोकियोको मेगुरोमा रहेको मेगुरो कुमिगं हलमा २३ अक्टोबर साँझ ६ बजे प्रदर्शन गर्ने भएको छ ।

यसैगरि जापानमा रहेका नेपाली चलचित्रप्रेमी दर्शकहरुको लागि अर्को खुशीको कुरा के भने टोक्यो ड्रिम्सले नै हाल नेपालमा भव्य प्रदर्शन भइरहेको चलचित्र छक्का पन्जा प्रदर्शनको प्रक्रिया पनि अघि बढाएको जानकारी दिएको छ ।