नाकानो जिरो हल जापानमा आज चलचित्र 'कालो पोथी' प्रदर्शन हुँदै

Posted on: September 25, 2016 | views: 547

९ असोज, टोकियो ।
जापानमा ओस्कार मनोनित लोकप्रिय चलचित्र 'कालो पोथी' आज आइतबार साँझ पहिलो पटक प्रदर्शन हुने भएको छ ।

राजधानी टोकियोको नाकानोमा रहेको नाकानो जिरो हल नाकानो कु मा साँझ ५:३० बजेबाट चलचित्र प्रदर्शन हुँदैछ ।

चलचित्र प्रदर्शनको लागि सबै तयारी सकिएको र टिकट बुकिंग अधिकाशं सकिएको चलचित्र प्रदर्शनको जिम्मेवारी पाएको टोक्यो ड्रिम्स ईन्टरटेन्मेन्टले जानकारी दिएको छ ।

फोन मार्फत फोन नम्वर र विवरण टिपाएर चलचित्रको अधिकाशं टिकट बुकिंग गरिसकेकाहरुलाई चलचित्र प्रदर्शन हुनुभन्दा केही समय अघि हलमा आएर टिकट लिन अनुरोध गरेको आयोजकले चलचित्र समयमै प्रदर्शन हुने स्पष्ट पारेको छ ।

चलचित्र कालो पोथी जापानमा गतवर्ष भव्यताका साथ कबड्डी कबड्डी चलचित्रको सफल प्रदर्शन गरेको टोक्यो ड्रिम्सले प्रदर्शन गर्न लागेको हो ।

आज प्रदर्शन हुन लागेको चलचित्र कालो पोथी चलचित्र प्रदर्शनको जिम्मेवारी पाएको टोक्यो ड्रिम्स ईन्टरटेन्मेन्टका अनुसार टिकटको मूल्य विद्यार्थीको लागि छुट सहित २५ सय जापानी येन र अन्यको लागि तीन हजार जापानी येन रहेको छ ।

जापानमा रहेका नेपाली चलचित्रप्रेमी दर्शकहरुको लागि खुशीको कुरा के भने टोक्यो ड्रिम्सले नै हाल नेपालमा भव्य प्रदर्शन भइरहेको चलचित्र छक्का पन्जा प्रदर्शनको प्रक्रिया अघि बढाएको छ ।

चलचित्र कालो पोथीको टिकटको लागि तल उल्लेखित नम्वरमा सम्पर्क गर्न सकिने आयोजकले जनाएको छ ।
सम्पर्क नम्वर : 08043555258, 080-4799-2846, 08035940800

जापानमा ओस्कार मनोनित लोकप्रिय चलचित्र 'कालो पोथी' आइतबार प्रदर्शन हुँदै