टोकियो 'कालो पोथी' टिकट बुकिगं खुल्ला, सेप्टेम्वर २५ मा प्रदर्शन

Posted on: August 23, 2016 | views: 1768

७ भदौ, टोकियो ।

जापानमा धेरै चासो र प्रतिक्षाको चलचित्र बनेको कालो पोथीको टिकट बुकिगं खुल्ला भएको छ ।

आगामी सेप्टेम्बर २५ तारिखका दिन प्रदर्शन हुन लागेको चलचित्रको टिकट बुकिगं यही अगष्ट २५ तारिखबाट खुल्ला गरिएको चलचित्र प्रदर्शन गर्न लागेको टोक्यो ड्रिम्स ईन्टरटेन्मेन्टले जानकारी दिएको छ ।

जापानमा गतवर्ष भव्यताका साथ कबड्डी कबड्डी चलचित्रको प्रदर्शन गरेको टोक्यो ड्रिम्सले टिकट बुकिगंको लागि खुल्ला अघिनै धेरैजनाबाट अनुरोध आएको भन्दै समयमै टिकट बुकिगं गराउन सबैलाई अनुरोध गरेको छ ।

यसअघि कबड्डी कबड्डी चलचित्र प्रदर्शन गर्दा सिट क्षमता भन्दा दोब्बर संख्यामा दर्शक उपस्थित हुँदा टिकट नपाएर फर्कनुपरेको भन्दै टोक्यो ड्रिम्स ईन्टरटेन्मेन्टले कालो पोथीको टिकट समयमै लिन सबैलाई आग्रह गरेको हो ।

जापानको लागि चलचित्र कालो पोथीको प्रदर्शन पाएको टोक्यो ड्रिम्स ईन्टरटेन्मेन्टका अनुसार टिकटको मूल्य विद्यार्थीको लागि छुट सहित २५ सय जापानी येन र अन्यको लागि तीन हजार जापानी येन तोकीएको छ ।

विद्यार्थीको लागि समेत छुट सहित २५ सय तोकिएपनि चलचित्र प्रदर्शनको दिनमा टिकट लिनेलाई ३ हजार जापानी येन लाग्ने भन्दै समयमै लिन अनुरोध गरिएको छ ।

चलचित्र कालो पोथी टोकियो नाकानो जिरो हल नाकानो कु मा साँझ ५ ः ३० बजेबाट प्रदर्शनको समय तोकिएको छ ।

स्मरणीय छ नेपालमा समेत सफल व्यापार तथा सबैतिरबाट प्रशंसा बटुलेको चलचित्र कालो पोथीले अन्तराष्ट्रिय भेनिस फिल्म फेस्टीवलमा क्रिटिक्स अन्र्तगत उत्कृष्ठ चलचित्रको पुरस्कार जितेको थियो ।

मिन बहादुर बमको निर्देशन रहेको चलचित्र कालो पोथीको टिकट बुकिगंको लागि निम्न लिखित नम्वर तथा टोक्यो ड्रिम्सको फेसबुकपेजमा गएर सम्पर्क गर्न सकिने चलचित्र प्रदर्शन गर्न लागेको टिमले टपनेपालन्युजडटकमलाई जानकारी दिएको छ ।

सम्पर्क नम्वर : 08043555258, 080-4799-2846, 08035940800

फेसबुक पेज  Tokyo Dreams Entertainment