स्लील नेपाली कथाको कालोपोथी, अस्लिल छेस्को र भारतीय हाउसफूल पनी प्रर्दशनमा

Posted on: June 03, 2016 | views: 1239

२१ जेठ, काठमाडौं ।
नेपाली मौलिक कथालाई नेपाली परिभेषमा उतारेको चलचित्र कालोपोथी आजबाट प्रदर्शनमा आएको छ ।

मिन बहादुर भामको निर्देशनमा बनेको चलचित्र कालो पोथी शुक्रबारबाट सार्वजनिक प्रदर्शनमा आएपनि चलचित्रको बिहिबार विशेष प्रदर्शन गरिएको थियो ।

७२ औं भेनिस ७२ औं भेनिस अन्तर्राष्ट्रिय फिल्म महोत्सवको क्रिटिक्स विकतर्फको सेक्सनमा उत्कृष्ट फिल्म ठहरिएको चलचित्र मौलिक नेपाली कथामा आधारित छ ।

जात र बर्गका आभारमा भिन्नता रहेपनि प्रकाश र किरणले मित्रता कायम राख्छ भन्ने देखाउन खोजिएको चलचित्र डकुमेन्टी खालको छ ।

माओवादी द्धन्द्धको पृष्ठभूमिमा बनेको चलचित्रमा दुई बालसखा प्रकाश र किरणको मित्रतालाई कुखुराको अण्डासँग जोडेर उत्कृष्ठ ढंगमा प्रदर्शन गरिएको छ ।

आफ्नो सपना साकार पार्न द्वयले कालो पोथी पालेर अन्डा बेच्दै पैसा जम्मा गर्छन् ।

तर पोथी हराएपछि फिल्मले नयाँ मोड लिन्छ भने दुई साथीले पनि पोथीको खोजीमा नयाँ यात्रा सुरु गर्छन् । यात्राका दौरान फिल्मले युद्धका बाछिटालाई माझधारमा रहेर पस्कन्छ ।

मिनबहादुर भाम निर्देशित चलचित्रमामा वेनिशा हमाल, खड्कराज नेपाली र शुक्रराज रोकायाको मुख्य भूमिका रहेको छ ।

मौलिक कथा र उत्कृष्ठ अवार्ड पाइसकेको कालो पोथीसँगै अस्लिल दृश्य समेटेर अश्लिलतालाई देखाएरै प्रदर्शन अघि सारेको छेस्को चलचित्र पनि शुक्रबारबाटै प्रदर्शनमा आएको छ ।


यी दुई चलचित्रसँगै भारतीय चलचित्र हाउफूल ३ पनि नेपाली बजारमा प्रदर्शनमा आएको छ ।

चलचित्र छेस्को अर्चना पनेरुका कारण चर्चामा छ । तर उनको अभिनय वा लोकप्रियताको कारण नभई उनले चलचित्र दिएको अश्लिल दृश्यका कारण हो ।

चलचित्रमा करण क्रेजी, अर्चना र राजन कार्कीको मुख्य अभिनयमा रहेको छ । चलचित्रलाई सुरेश थापाले निर्देशन गरेका हुन् ।