म्युजिक मेला तयारी पुरा-सुगम, सम्झना लगायत पाँच कलाकार जापान आउँदै

Posted on: May 01, 2016 | views: 216

२९ चैत, टोकियो ।
मे १ तारिखमा जापानमा हुन लागेको म्युजिक मेलामा गायक सुगम पोखरेल सहित पाँच जना कलाकार जापान आउने पक्का भएको छ ।

जापानमा रहेका नेपालीहरुलाई नचाउन पोखरेल सहित निर्णय एनएसके, नविन पौडेल, सम्झना लामिछाने मगर र साहिमा श्रेष्ठ नेपालबाट आउने भएको आयोजकले जनाएको छ ।

नेपालबाट आउने कलाकारहरुको टुंगो लागेपछि आयोजक संस्था मिडिया म्यासेजले टिकट विक्रि खुल्ला भएको जनाएको छ ।

कार्यक्रम संयोजक नविन निउरेका अनुसार टिकटको मूल्य भीभीआईपीका लागि १० हजार येन र सामान्य टिकटको २५ सय जापानी येन राखिएको छ ।

मे १ तारिख बेलुका ४ बजेदेखि सुरु हुने म्युजिक मेलामा सहभागी हुन जापानमा रहेका सम्पूर्ण नेपालीहरुमा मिडिया म्यासेज प्रा।लिले अनुरोध गरेको छ ।

मिडिया म्यासेज प्रा। लिद्वारा सञ्चालित नेपाल सन्देश डट कमको तेस्रो वार्षिक उत्सवको उपलक्ष्यमा कार्यक्रम मे १ तारिखमा ओतासिटी स्थित इकेगामी हल टोकियोमा आयोजना हुँदैछ ।