टोकियोमा ड्रिम्सको तहल्का, आधा दर्जन ठाउँमा प्रदर्शनको तयारी

Posted on: May 02, 2016 | views: 290

२८ चैत, टोकियो ।
चलचित्र ड्रिम्सको जापान टोकियो शो भव्य रुपमा सफल भएको छ । टोकियो नाकानो जेरो हलमा प्रदर्शन भएको चलचित्र हेर्न सयौं नेपाली र जापानीहरुको उत्हासजनक उपस्थिति सँगै जापानका अन्य ठाउँमा पनि चलचित्र प्रदर्शन हुने भएको छ ।

पहिलो पटक जापानमा राष्ट्रिय गान सहित प्रदर्शन गरिएको चलचित्र हेर्न उपस्थित करिव पाँच सयको संख्यामा उपस्थित दर्शकहरुले चलचित्र एकदमै राम्रो भएको प्रतिक्रिया दिएका छन् ।

चलचित्रको सिनेम्याट्रोग्राफि, कथा र अभिनय सबैभन्दा राम्रो लागेको बताएका जापानवासी नेपालीहरुले ड्रिम्सलाई हेर्नैपर्ने पारिवारिक खालको आधुनिक चलचित्रको संज्ञा दिएका छन् ।

चलचित्र ड्रिम्स हेर्न एनआरएन आइसिसिका केन्द्रिय उपाध्यक्ष भवन भट्टको उपस्थिति रहेको थियो ।

लामो समयपछि नेपाली चलचित्र हलमा नै हेरेको भन्दै जापानमा सफल उद्यमीको रुपमा समेत विशिष्ट परिचय बनाउनुभएका भट्टले चलचित्र ड्रिम्स राम्रो बनेको प्रतिक्रिया दिनुभयो । एनआरएन केन्द्रिय उपाध्यक्ष रहनुभएका भट्ट हाल नेपाल पूर्वाधार विकास कम्पनीका प्रमुख समेत हुनुहुन्छ ।

चलचित्र ड्रिम्स हेरिसकेपछि एनआरएन जापानका अध्यक्ष सुदन थापा, उपाध्यक्ष टासि लामा, युवा व्यवसायी तथा समाजसेवी दिलु खत्री लगायतले आधुनिक कथा समेटिएपनि पारिवारिक सदस्य सहित बसेर हेर्न मिल्ने मनछुने कथालाई उत्कृष्ठ रुपमा चलचित्रमा प्रस्तुत गरिएको बताउनुभयो ।




चलचित्र ड्रिम्सको जापान टोकियो प्रदर्शनको भिडियो केही बेरमा युट्युवमा टपनेपालन्युजडटकम च्यानमा हेर्न सक्नुहुनेछ ।

यो पनि पढ्नुहोस् ।

ड्रिम्स टोकियो नाकानो जेरो हलमा आज साँझ ५ बजे प्रदर्शन हुँदै

जापान ड्रिम्स पर्खाइ सकियो, टोकियो नाकानो जेरो हलमा १० तारिखमा पदर्शन

जापान १० तारिख -अपरान्ह शान्ति पदयात्रा, साँझ लामो पर्खाइपछिको 'ड्रिम्स'

टोकियोमा नेपाल चिनाउने बृहत शान्ति र्याली अप्रिल १० मा

जापानमा ड्रिम्स प्रदर्शनको महिना दिन अघि नै बुक !

नेपालमा ड्रिम्स चम्कंदा जापानमा पर्खाइ बढ्यो