कुशल बेल्बासे र लेखनाथ आचार्यको तिजको कोसेली ‘रिडी दोभान’ (भिडियो सहित)

Posted on: August 07, 2019 | views: 22994

काठमाडौ । लोक संगित क्षेत्रका चर्चित कलाकारहरु कुशल बेलबासेको लय शब्द, लेखनाथ आचार्य लगायतका कलाकारहरुको स्वर भरिएको आशा लामाको ‘रिडी दोभान’ बोलको तिजको कोसेली बजारमा आएको छ ।

नेपालको पश्चिमी जिल्लाको गाउँबस्तीतिर गाइने मौलिक तिजको भाकामा गाइएको ‘रिडी दोभान’ बोलको गितले केटा र केटीबीच प्रेम सम्बन्ध जोड्नको लागी गरिएको प्रस्तावलाई गीत मार्फत देखाइएको छ । अविबाहित केटीसंग केटाले प्रेमको लागी प्रस्ताव गर्दछ, गितमा स्वर दिनुभएका कलाकार लेखनाथ आचार्यले भन्नुभयो केटीले पनि साच्चै मन पराउछौ भने प्रेम गर्न सहमत जनाउन खोजेको जस्तो गर्ने भएकाले गितको भाका, संगित, शब्द अहिलेको युवाको लागी निकै रोमाञ्चक बनेको छ ।

गितको सुरुवातमा अरुसंग माया बसेको (फसिसकेको) छ कि छैन भनेर सुरुवात भएको गितमा केटीले आफ्नो बिहे हुने कि नहुने अन्योल भएर माइतीमै बस्नुपर्ने हो की भनेर जनाएको चिन्ताले केटालाई आटिलो बनाउदै मायामा चुर्लुम्म डुबाउन प्रेरित गरेको छ ।
भाईको बिबाह र बच्चा विद्यालय पढ्ने भइसकेको केटाले अरुसगैँ माया छैन भने लैजान्छु भन्दा केटीले पनि बहिनीको पनि बिबाह भइसकेको आफू अहिलेसम्म खाली नै (अरुसंग माया नबसको) रहेको बताएपछि गितको टुक्का निकै आकर्षित र दर्शकलाई अघि बढाउन ध्यानाकर्षित गराउछ । केटाले केटी राजी हुनु पूर्व नै बिबाहमा खर्च हुने भन्दै भागेर बिबाह गरौ भनेर सिधै प्रस्ताव गर्दछ भने केटीले बुबाको इञ्जतलाई पैसासंग तुलना गर्न नमिल्ने बताउछिन् ।

जवाफमा केटाले एकबारको जीवन रमाउन किन ढिलाई गर्ने भन्दै बिबाहको लागी हतार गर्दा केटीले यसैउसै बर्ष ढिलाई हुदै गएको भन्दै अर्को साल चाँही बिबाह गरुला नि भनेर गितलाई विश्राम तिर लागेर दशर्कको मनमा उत्सुकता देखाएको छ । अर्को साल बिबाह गर्ने भन्दै टुङ्गिएको गितले बाँकी कुरा अर्को भागमा जोडेर प्रस्तुत गर्ने की यत्तिकैमा टुङ्गाउने भन्नेचाँही कलाकारहरुले सस्पेन्स (खुलाइएको छैन) राखेका छन् ।

लोकसंगित क्षेत्रमा यसअघि विभिन्न एल्बम सार्वजनिक गरिसकेको तथा स्वर दिएका चर्चित कलाकारको प्रस्तुती रहेको तिजको मोलिक भाका समावेश भएको यस नयाँ गित धेरैको रुचीमा पर्ने निश्चित देखिन्छ । गितमा ‘रिडी दोभान, छ भने देऊ क्यारे लान्छु जोवान’ कोशी दोभान, लान्छौ र छ क्यारे दिन्छु जोवान’ लोक लयमा गाइएको छ ।

अडियो र भिडियो एकैसाथ बजारमा आएको उक्त गितलाई आर.एम.फिल्मस प्रालीले दृष्य निर्माण गरेको हो भने ऐरेन्जर विश्वास नेपालले गर्नुभएको छ भने मारुनी डिजिटल स्टुडियोमा रेकर्ड गरिएको हो । भिडियोको अभिनयमा निकै आकर्षित रुपमा निर्मल क्षेत्री र रितु तामाङको प्रस्तुती रहेको छ ।
भिडियोको निर्देशक राज केसी, छायांकन मुकेश हुमागाई, कोरियोग्राफी केशव भट्ट, सम्पादन प्रकाश एस.के. र मेकअप कविता तोलाङ्गीले गरेका छन् । हेर्नुहोस गितको भिडियो :


तपाईको मोबाइल एंव कम्युटरमा माथिको भिडियो प्ले हुन समस्या भयो भने यो लिंकमा क्लिक गरेर पनि भिडियो हेर्न सक्नुहुनेछ ।

'रिडि दोभान'को पूरा भिडियो हेर्न यहाँ क्लिक गर्नुहोस् ।