‘वीर विक्रम-२’ र ‘जात्रै जात्रा’ को बूकिङ खुल्यो

Posted on: May 16, 2019 | views: 7032

काठमाडौ । यही शुक्रवारदेखि प्रदर्शनमा आउने दुई चलचित्र ‘जात्रै जात्रा’ र ‘वीर विक्रम २’ को बूकिङ खुला गरिएको छ । यस वर्षका दुई आशा गरिएका फिल्मको रिलिजअघि नै बूकिङ खुला गरिएको हो ।

राजधानीका मल्टिप्लेक्स हलहरुमा चलचित्र ‘जात्रै जात्रा’ ले बढी शो पाएको छ । यस्तै ‘वीर विक्रम २’ पनि शुक्रवार ओपनिङ दिनका लागि क्युएफएक्सका हलमा १३ शो पाएको छ । यता ‘जात्रै जात्रा’ ले भने क्युएफएक्सका राजधानीका हलमा १९ शो पाएको छ ।


फिल्मको कुरा गर्नुपर्दा चलचित्र ‘जात्रै जात्रा’ मा प्रदीप भट्टराईको निर्देशन देख्न सकिन्छ भने यो फिल्ममा रविन्द्र सिंह बानियाँ, दयाहाङ राई, रविन्द्र झा, वर्षा राउत, विपिन कार्की लगायतका कलाकारको शीर्ष भूमिका रहेको छ । यो फिल्म ‘जात्रा’ को सिक्वेल हो । निर्माण टिमका अनुसार ‘जात्रा’ मा कथा जहाँ सकिन्छ, त्यहीँबाट दोस्रो सिक्वेलमा कथा शुरु हुन्छ ।

यस्तै फिल्म ‘वीर विक्रम २’ लाई मिलन चाम्सले निर्देशन गरेका हुन् । यो फिल्ममा प्रदीप भारद्वाजको कथा छ भने पल शाह, वर्षा शिवाकोटी, नाजिर हुसेन, बुद्धि तामाङ लगायतका कलाकारको अभिनय छ । चलचित्रलाई वीर र विक्रमको मित्रताको कथा भनिएको छ । फिल्मले हिमाली गाउँको कथालाई कथानक बनाइएको छ । बुधरवार गरिएको प्रिमियरमा यो फिल्मले राम्रै प्रतिक्रिया पाएको थियो ।