'श्होङ’को प्रदर्शनी चैत २ गते नुवाकोटमा हुने (फोटो र भिडियो सहित)

Posted on: March 09, 2019 | views: 4575

त्रिशूली । तामाङ कथानक चलचित्र ‘श्होङ’को प्रदर्शनी नुवाकोटको ढुङ्गेमा गर्न लागिएको छ । यही फागुन २० गते काठमाडौको अष्ठनारायण हल बालाजुमा भब्य प्रदर्शन सम्पन्न भएको श्होङको प्रदर्शनी त्यसपछि अब यही चैत्र २ गते नुवाकोटको व्यस्त बजार त्रिशूली स्थित ढुङ्गेमा प्रदर्शन गर्न लागिएको कथाकार तथा प्रस्तुत्कर्ता सिङ्गबहादुर तामाङले जानकारी दिनुभयो ।


काठमाडौमा गरिएको प्रदर्शनीमा चलचित्र हेर्न चलचित्रकर्मी, पत्रकार तथा दर्शकको घुइचो लागेपछि उत्साहित भएको उत्पादक टोली नुवाकोट आउन लागेको हो । चलचित्र हेरी सकेपछी सबैले चलचित्र समग्रमा राम्रो बनेको टिप्पणी पाएर उत्साहित भएको टोलीले तामाङ समुदायको व्यस्त बसोबास र यहाँ नै छायाङ्कन भएकाले दोश्रो प्रदर्शनी नुवाकोटमा गर्न लागेको हो । दर्शकहरुकै मागलाई सम्बोधन गर्दै दोस्रो प्रदर्शन ढुङ्गको यङ्रा होटेलमा यही चैत्र २ गते आयोजा गरिएको छ ।

तामाङ समुदायको ल्हाप्साङकार्पो क्षेत्रको तामाङ भाषा, सँस्कृति र लोक जीवनशैलीमा आधारित चलचित्रलाई चैत्र २ गते बिहान ११ बजे प्रदर्शन गर्न लागिएको हो ।
चलचित्रको कथाकार तथा प्रस्तुत्कर्ता सिङ्गबहादुर तामाङको रहेको छ भने एन्जिला वाईबा, मर्नेन तामाङ, कान्छा लामा, रुपा एस घले, आरम्भ तामाङ, गोम्बो घले, बिकल लामा, ए.आर तामाङ, वाङ्जु वाईबा, कुशल थिङ, संगम ज्याक्सन, फुर्बा तामाङ लगायतका कलाकारको अभिनय रहेको छ ।



रोशन फ्युबा तामाङको निर्देशन तथा सिंगबहादुर तामाङको कथा र संवाद रहेको चलचित्रलाई प्रेम तामाङ र अनमोल तामाङले निर्माण गर्नुभएको हो । प्रकाश तामाङको छायाँकन हेर्न सकिने चलचित्रमा पेमा टाशीले ड्रोनबाट खिचेको भिडियो निकै आकर्षण रहेको छ । चलचित्रलाई नुवाकोटको किस्पाङ गाउँपालिकाको साल्मे र भाल्चे लगायतको तामाङ समुदायको बसोबास भएको स्थानमा छायाङ्कन गरिएको छ ।  



सिंगबहादुर तामाङकै कोरियोग्राफी रहेको चलचित्रलाई रोशन फ्युबाले सम्पादन गर्नुभएको छ । चलचित्रको पोष्ट प्रोडक्सनको जिम्मा ल्हाप्साङकार्पो म्यूजिकले लिएको छ । चलचित्रका गीतहरुमा निर्मला घिसिङ, जितु लोप्चन, मनोज लोप्चन, मनमाया वाईबा र सुरेश लामाको अवाज सुन्न सकिन्छ । सिंगबहादुर तामाङ र जमुना तामाङको शब्द रहेको गीतहरुलाई रोशन फ्युबाले संगीत दिएका छन् । चलचित्रका गीतलाई रिकेश गुरुङ, पवन वाङ र जोगलाल लामाले एरेञ्ज गरेका हुन् ।