दक्ष ईन्टरनेशनल अवार्डबाट पत्रकार अधिकारी सम्मानित

Posted on: January 27, 2019 | views: 8163

काठडमाडौ । दक्ष ईन्टरनेशनल प्रालिको आयोजनामा दक्ष ईन्टरनेशनल अवार्ड–२०१८ को ग्राण्ड फाईनलको दिन मोफसल (नुवाकोट)मा रहेर निरन्तर पत्रकारिता र समाजसेवाको क्षेत्रमा योगदान दिदै आफुलाई क्रियाशील बनाउनुभएका सुन्दरादेबी सन्देश साप्ताहिकको प्रकाशक, एवम् सुन्दरादेबीन्युज डट कामका सम्पादक, तथा नेपाल प्रेस युनियन नुवाकोटका अध्यक्ष किरणप्रसाद अधिकारी सम्मानित हुनुभएको छ । पत्रकार अधिकारीलाई दक्ष ईन्टरनेशनल अवार्ड २०१८ बाट सम्मान गरिएको हो ।

आयोजक समितिको तर्फबाट अधिकारीलाई काठमाडौ महानगरपालिकाको उपप्रमुख तथा प्रमुख अतिथी हरिप्रभा खड्गी, बिशेष अतिथी बरिष्ठ कलाकार किरण केसीले एकैसाथ सम्मान गर्नुभएको हो । राष्ट्रिय नाचघर, जमल आयोजित दक्ष ईन्टरनेशनलको आयोजनाम मिस एण्ड मिसेज ब्युटिफुल नेपाल २०१८ को शनिाबर आयोजित फाइनल कार्यक्रममा पत्रकार अधिकारीलाई सम्मान गर्दै सम्मान पत्र प्रदान गरिएको हो ।


पत्रकार अधिकारी विसं २०५५ सालदेखि निरन्तर पत्रकारिता साथै केहि समय अगाडी देखि नेपाली गीतसंगीत क्षेत्र र कला तथा कलाकारितालाई संचारमाध्यमबाट उजागर गर्न क्रियाशील रहदै आउनुभएको छ । कार्यक्रमा आयोजकले उहाँसगै कलाकार शिबहरि पौडेल, नायिका एलिना बास्कोटा लगायतलाई पनि दक्ष ईन्टरनेशनल अवार्ड सम्मान गरेको जनाएको छ ।