न्यू तुप्चे युवा क्लबको आयोजनामा बृहत्त साँकृतिक कार्यक्रम सम्पन्न (फोटो फिचर)

Posted on: November 11, 2018 | views: 5225

नुवाकोट । तिहार पर्वलाई लक्षित गर्दै यो वर्ष पनि नुवाकोटको विदुर नगरपालिका वडा नंं ७ तुप्चेमा बृहत्त सास्कृतिक कार्यक्रम सम्पन्न भएको छ । तुप्चेमा लामो समयदेखि क्रियाशिल रहेको न्यू तुप्चे युवा क्लबको आयोजनामा भएको बृहत्त साँकृतिक कार्यक्रमको चौथो सँस्करण तुप्चेको अक्करे स्थित चण्डेश्वरी माध्यामिक विद्यालयको प्राङ्गणमा भव्य रुपमा सम्पन्न भएको हो ।

साँस्कृतिक पर्वको रुपमा समेत मनाइने तिहार पर्वलाई लक्षित गर्दै यही कार्तिक १९ गते काग तिहारको दिन सोमबार मध्यान्हदेखि सुरु भएर राती अबेरसम्म चलेको कार्यक्रममा स्थानीय र राष्ट्रिय कलाकारहरुको उत्कृष्ट प्रस्तुतले हजारौ दर्शकलाई मनोरञ्जन प्रदान गरिएको आयोजक क्लबका अध्यक्ष दिनेश बोगटीले जानकारी दिनुभयो ।



सास्कृतिक कार्यक्रमको अवलोकन गर्न पुग्नुभएका प्रतिनिधिसभा सदस्य नारायणप्रसाद खतिवडाले क्लबले सामाजिक क्षेत्रमा पु-याएको योगदान सहित सस्कृतिको संरक्षणमा समेत चासो राख्दै सञ्चालन गरेको कार्यक्रमले आपसी एकतामा समेत सहयोग पुगेको बताउनुभयो । उहाँले क्लब मार्फत भएको प्रयासको प्रंशसा गर्दै यसमा स्थानीयसरकारबाट सहयोगका हुनुपर्ने बताउनुभयो ।



यस्तै, प्रदेससभा सदस्य एव्म तुप्चे निवासी हिरानाथ खतिवडाले सामाजिक क्षेत्रको विकास र समुदाय रुपान्तरण सहित क्लबले पु-याउदै आएको सहयोग र सास्कृतिक कार्यक्रममा आफ्नो पूर्ण सहयोगको रहेको बताउनुभयो ।


यस्तै, पूर्व सभाषद् राममायाँ बोगटीले स्थानीय युवाहरुको प्रयासमा सञ्चालनमा आएको क्लबलाई सरकारी सहयोगको आवश्यकता रहेको बताउनुभयो । उहाँले युवाको पहल, एकता र परिवर्तनमा एउटा सस्थाले पु¥याउने भूमिकाको महत्व न्यू तुप्चे युवा क्लबबाट सिक्न सकिने बताउनुभयो ।



सामाजिक क्षेत्रमा क्रियाशिल भएर विभिन्न सेवा पु-याउदै आएको उक्त क्लबले यसअघि तिहार पर्वलाई लक्षित गर्दै सञ्चालन गरेको साँस्कृतिक कार्यक्रमले पाएको सफलताको कारण यो पटक पनि नेपालका चर्चित रहेका कलाकार, गायक, डान्सर मार्फत कार्यक्रम सञ्चालन गर्न सफल भएको हो ।
 
कार्यक्रममा प्रथम नेपाल आइडलका सेकेन्ड रनरअप्रताप दास, लोकगायन क्षेत्रमा चर्चित कलाकारहरु प्रकाश सपुत, प्रिति आले, चर्चित मोडल पुसन लामा, भारतीय टेलिभिजन स्टार प्लस मार्फत प्रशारण हुने डान्स प्लसको दोश्रो सत्रको सेकेन्ड रनरअप वाइल्ड रिपर्स समूह लगायत स्थानीय कलाकारहरुको विभिन्न प्रस्तुतीले कार्यक्रम अवलोनक गर्न पुगेका हजारौ दर्शकको मन जितेको आयोजक क्लबका सहसचिव आश्विन खड्काले बताउनुभययो ।



नुवाकोटमा अन्तराष्ट्रियस्तरका (भारत) कलाकार सहभागी भएर कार्यक्रम गर्न निकै चुनौती भएपनि क्लबको सक्रियतामा कार्यक्रम उत्कृष्ट र जिल्लाकै लागी अनुपम उदाहरण बनेको कार्यक्रम सञ्चालक चर्चित आरजे राज न्यौपानेको भनाई छ ।



कार्यक्रम सञ्चालनमा सहयोग पु-याउने सहयोगीहरुले सम्मान गरिएको थियो । उनीहरुले कार्यक्रम निकै भव्य, सभ्य एवम् व्यवस्थित रुपमा सम्पन्न भएको प्रति आभारी जनाउदै आगामी दिनमा पनि क्लबसंगको सहकार्यलाई निरन्तरता दिने बताए ।