तुप्चेमा साँकृतिक कार्यक्रम आयोजना, स्वदेश तथा विदेशका कलाकार सहभागि हुने

Posted on: October 24, 2018 | views: 3331

७ कार्तिक, नुवाकोट । तिहार पर्वलाई लक्षित गर्दै यो वर्ष पनि नुवाकोटको विदुर नगरपालिका वडा नं. ७ तुप्चेमा बृहत्त सास्कृतिक कार्यक्रम हुने भएको छ ।

तुप्चेमा लामो समयदेखि क्रियाशिल रहेको न्यू तुप्चे युवा क्लबको आयोजनामा हुन लागेको साँकृतिक कार्यक्रम यो चौथो पटक हो ।

साँस्कृतिक पर्वको रुपमा समेत मनाइने तिहार पर्वलाई लक्षित गरी सञ्चालन गर्न लागिएको चौथो बृहत्त सास्कृतिक कार्यक्रम आगामी कार्तिक १९ गते काग तिहारको दिन सोमबार अपरान्ह १ बजेबाट सुरु गरी राती अबेरसम्म सञ्चालन हुने आयोजक क्लबका अध्यक्ष दिनेश बोगटीले जानकारी दिनुभयो ।



 सामाजिक क्षेत्रमा क्रियाशिल भएर विभिन्न सेवा पुर्याउदै आएको उक्त क्लबले यसअघि तिहार पर्वलाई लक्षित गर्दै सञ्चालन गरेको साँस्कृतिक कार्यक्रमले पाएको सफलताको कारण यो पटक पनि नेपालमा चर्चित रहेका कलाकार, गायक, डान्सर मार्फत कार्यक्रम सञ्चालन गर्न लागिएको उहाँले बताउनुभयो ।

यो पटकको कार्यक्रममा प्रथम नेपाल आइडललका सेकेन्ड रनरअप्रताप दास, लोक गायन क्षेत्रमा चर्चित कलाकारहरु प्रकाश सपुत, प्रिति आले, चर्चित मोडल पुसन लामा, भारतीय टेलिभिजन स्टार प्लस मार्फत प्रशारण हुने डान्स प्लसको दोश्रो सत्रको सेकेन्ड रनरअप वाइल्ड रिपर्स समूह लगायतको सहभागिता हुने आयोजक क्लबका सहसचिव आश्विन खड्काले जानकारी दिनुभयो । यसैगरी, कार्यक्रममा स्थानीय कलाकारहरुको पनि प्रस्तुतलाई समावेश गरिएको छ ।

नुवाकोटमा अन्तराष्ट्रियस्तरका (भारत) कलाकार सहभागी भएर कार्यक्रम गर्न लागेको निकै कम रहेकोमा न्यू तुप्चे युवा क्लबको आयोजनाको कार्यक्रमलाई उत्कृष्ट मानिएको छ । साँस्कृतिक कार्यक्रमको सञ्चालन चर्चित आरजे राज न्यौपानेले गर्ने तय भएको छ ।

यो कार्यक्रममा टपनेपाल न्यूज डटकम परिवार मिडिया पार्टनरको रुपमा रहेको छ ।

चुप्चेको अक्करे स्थित चण्डेश्वरी माध्यामिक विद्यालयको प्राङ्गणमा हुने कार्यक्रम पूर्ण रुपमा परिवारिक सहितको निकै मनोरञ्जनात्मक रहेको र अवलोकनको लागी निःशुल्क व्यबस्था मिलाएकाले सहभागि हुन सबैलाई आह्वान गरिएको क्लबका सचिव सुदिप बोगटीले बताउनुभयो ।

सहभागी हुने कलाकारहरु निम्न छन् अहिले नै परिचित बनौ ।